Quake (videochuego)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Quake ye un videochuego d'acción en primera persona, desembolicau por id Software y publicau por GT Interactive en 1996. A composición musical ye de Trent Reznor y Nine Inch Nails. A mayoría d'a programación d'o motor de Quake estió realizada por John Carmack.

Ye o primer videochuego d'a saga Quake. O protagonista en primera persona subchectiva (l'acción se visualiza dende o pretendiu personache) ha de disparar a los enemigos en diferents livels. Os chugadors s'agrupan en dos equipos (azul y royo) en servidors en linia. I hai cuantas modalidaz, a mas popular consiste en furtar a bandera enemiga y levar-la a la mesma base matando os chugadors de l'unatro equipo para aconseguir a maxima puntuación.

Quake introdució beluns d'os mayors abances en o chenero d'os videochuegos en 3D: fa servir modelos tridimensionals pa os chugadors y os mostros en cuenta de sprites bidimensionals; y lo mundo an lo chuego tien puesto ye creyau como un verdadero espacio tridimensional, en cuenta d'estar un mapa bidimensional con información sobre l'altura representada en tres dimensions. Tamién incorporó la utilización d'os mapas de luz y as fuents de luz en tiempo real, descartando la iluminación estatica basada en sectors d'os chuegos anteriors. Ofrió, en o suyo tiempo, un d'os motors fisicos mas realistas programados pa un videochuego dica ixe inte.