Pseudonimo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un pseudonimo (d'o griego pseudos, "falso", y onoma, "nombre") ye o nombre que se da chenericament a o "falso nombre" que s'emplega t'amagar o nombre propio cuan se considera que no ye convenient que sia conoixito publicament.
S'esferencia de raso d'a embotada en que ista no ye librement esleita por qui la porta, sino que li ye imposata por tercers; o pseudonimo ye esleito librement por qui l'emplega.
A existencia d'os pseudonimos ye prou antiga, y s'ha convertito en una practica que se fa a ormino en cuantos ambitos.
En a literatura
[editar | modificar o codigo]Uno d'os ambitos mas antigos d'emplego d'un pseudonimo ye en o campo d'a Literatura, emplegando-se en cuantas luengas ta referir-se a ista traza de pseudonimo o galicismo de nom de plume (nombre de pluma en aragonés).
En as artes escenicas y en o cine
[editar | modificar o codigo]A practica de fer servir un pseudonimo s'adoptó a o mundo d'o teatro, d'a on pasó enta o mundo d'o Cine. Ista traza de pseudonimo se diz nombre artistico.
En a vida politica u belica
[editar | modificar o codigo]En situacions politicas u belicas de clandestinidat, tamién s'emplegan pseudonimos. recibindo en iste caso o nombre de nombre de guerra en cuantas luengas. Son prou conoixitos os pseudonimos de militants bolcheviques en zaguerías de l'Imperio Ruso y mientres a Revolución rusa, como Lenin, Stalin, Trotsky, u Molotov. Tamién s'emplegó muito en a Francia ocupata por os alemans mientres a Segunda Guerra Mundial, u en a Guerra d'o Francés por os guerrillers que luitaban contra l'Exercito francés. En Aragón s'emplegoron por os maquis en a suya luita contra o franquismo, como estió o caso d'o conoixito como O mayestro d'Agüero, Ángel Fuertes Vidosa, que yera naixito d'Agüero.
En o mundo d'a delincuencia
[editar | modificar o codigo]En o mundo d'a delincuencia tamién se fan servir os pseudonimos, ditos en iste campo alias. Ye una conoixita practica d'a Mafia, pero tamién de cualsiquier traza de delincuents.
En a informatica
[editar | modificar o codigo]En a informatica, mas que mas en a presencia publica d'os usuarios en o rete, tamién s'emplegan os pseudonimos, encara que en iste caso se gosa denominar-los a sobén con l'anglicismo de nick.
