Premios Nacionals d'o Esporte (Espanya)

De Biquipedia
Ir a la navegación Ir a la búsqueda

Os Premios Nacionals d'o Esporte (en castellán y oficialment: Premios Nacionales del Deporte) son un conchunto de premios atorgaus anualment por o Consello Superior d'Esportes d'Espanya.

Esferencían a os esportistas, federacions, clubs, asociacions y demás entidatz que han destacau por a suya excelencia y promoción d'o esporte. Agrupan diferents categorías y s'entregan diferents trofeus entre os quals destaca lo de millor esportista espanyol de l'anyo, en categoría masculina y femenina.

Categorías[editar | editar código]

Os premios establitos son os siguients[1]:

  • Premio Rei Felipe: pa premiar a lo esportista espanyol que más s'aiga esferenciau entre l'anyo en a suya actuación esportiva, tanto a libel nacional como internacional.
  • Premio Reina Letizia: pa premiar a la esportista espanyola que más s'aiga esferenciau entre l'anyo en a suya actuación esportiva, tanto a libel nacional como internacional.
  • Premio Rei Chuan-Carlos: pa premiar a lo esportista masculino u femenino que por os resultaus obtenius entre l'anyo aiga suponiu a revelación más significativa d'o panorama esportivo.
  • Premio Reina Sofía: pa premiar a la persona u entidat que más aiga destacau entre l'anyo por un chesto especialment relevant de nobleza u chuego limpio en a practica esportiva, u que aiga amprau una contribución especial a la erradicación d'a violencia en l'esporte.
  • Premio Princesa Leonor: pa premiar a o esportista menor de 18 anyos, que más aiga destacau entre l'anyo por a suya progresión esportiva.
  • Premio Infanta Sofía: pa premiar a la persona u entidat que por a suya propia actuación esportiva u por o fomento de l'actividat d'atros aiga destacau especialment en a difusión y millora de l'actividat esportiva entre os discapacitaus fisicos, psiquicos u sensorials.
  • Trofeu Comunidat Iberoamericana: pa premiar a lo esportista iberoamericano que más aiga destacau entre l'anyo en as suyas actividatz esportivas internacionals.
  • Copa Barón de Güell: pa premiar a equipes u seleccions nacionals que más aigan destacau por a suya actuación esportiva entre l'anyo.
  • Copa Stadium: pa premiar a la persona u entidat que aiga destacau por a suya especial contribución entre l'anyo a fayenas de promoción y fomento de l'esporte.
  • Premio Consello Superior d'Esportes: pa premiar a la Entidat Local Espanyola que más aiga destacau entre l'anyo por as suyas iniciativas pa lo fomento d'o esporte, sía en a promoción y organización d'actividatz, u bien en a dotación d'instalacions esportivas.
  • Trofeu Joaquín Blume: pa premiar a la Universidat u Centro Escolar que s'aiga esferenciau especialment entre l'anyo por a suya labor de promoción y fomento de l'esporte.

Referencias[editar | editar código]

Vinclos externos[editar | editar código]