Pokémon Go

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Pokémon Go.

Pokémon Go ye un videochuego de realidat aumentada basau en a localización desembolicau por Niantic​ pa dispositivos iOS y Android. O videochuego consiste en rechirar y agazapiar personaches d'a saga Pokémon amagaus en puestos d'o mundo real y luitar con ells, o que embreca desplazar-se fisicament por as carreras d'a ciudat pa progresar. L'aplicación comporta un elemento d'interacción social, ya que promueve reunions fisicas d'os usuarios en distintos puestos d'os suyos lugars y ciudatz.

O videochuego se lanzó con arredol de 150 especies de Pokémon, que heban aumentau a arredol de 600 pa 2020. Estió una d'as aplicacions mobils mas utilizadas y rentables en 2016, habendo-se descargau mas de 500 millons de vegadas en totz en zaguerías de ixe anyo. Se le atribuye a popularización d'a tecnolochía de realidat aumentada y basada en a ubicación, promovendo l'actividat fisica y aduyando a las interpresas locals a creixer a causa de l'aumento d'o trafico piatonal. Manimenos, cheneró contraversia por contribuir a os accidents y creyar molestias publicas. Quantos gubiernos expresoron a suya preocupación por a seguranza y qualques países regulan o suyo emplego. En primerías de 2019, o chuego teneba mas de mil millons de descargas globals y plegó mas de $ 3 mil millons en ingresos. O videochuego tamién teneba mas de 147 millons d'usuarios activos mensuals en mayo de 2018.