Plantilla:Articlo destacato d'o País Valenciano
Ademuz (Ademús en catalán) ye un municipio d'a provincia de Valencia, situato en o enclau d'o Rincón d'Ademuz, comarca valenciana entre Aragón y Castiella-La Mancha, y en ye a suya capital. A suya población ye de 1.242 habitants (2007), en una superficie de 100,4 km² con una densidat de 12,37 hab/km².
A villa d'Ademuz se troba en a marguin dreita d'o río Guadalaviar, situata en as pronunciatas versants d'a montanya d'os Zafranares. Ye por ixo que ista villa tien como caracteristica as largas y estreitas carreras estando muitas en cuesta, que se comunican entre ellas por chicotz callizos, y carreras más estreitas, muitas d'ellas escalonatas, mientres as casas parixen sobreposar-sen as unas dencima d'as atras, formando a caracteristica anvista d'iste lugar, que domina a vega d'o río Guadalaviar. A villa d'Ademuz ye a capital d'a comarca d'o Rincón d'Ademuz.