Planeta popiella

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una planeta popiella (tamién denominau planeta interestelar, planeta nomada, planeta flotant, planeta libre, planeta dondiadera, planeta sin estrelas, planeta sin sol u planeta rebelde (en anglés rogue planet)) ye un obchecto de masa planetaria que no orbita una estrela dreitament. Istos obchectos han estau feitos fuera d'o sistema planetario en o cual se formoron u nunca s'han uniu gravitacionalment a garra estrela u nana parda.^[1] A Vía Lactia por ella sola puede tener milars de millons a billons de planetas popiellas, un rango que l'esdevenidero Telescopio Espacial Romano Nancy Grace prebablement podrá reducir.^[2]

Cualques obchectos de masa planetaria pueden haber-se formau de traza semellant a las estrelas, y a Unión Astronomica Internacional ha proposau que tals obchectos se clamen nanas subpardas. Un posible eixemplo ye Cha 110913-773444, que puede haber estau feita fuera y convertir-se en una planeta popiella, u formau por ella solament pa convertir-se en una nana subparda.^[3]