Pidgin

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un pidgin (pronunciato en anglés /'pidʒin/) ye una luenga caracterizata por combinar trazas sintacticas, foneticas y morfolochicas d'una luenga con as unidatz lexicas d'atra.

O pidgin no ye por un regular o dialecto materno de dengúún grupo etnico u social; cheneralment ye o dialecto que fa servir un inmigrant de primera cheneración en o suyo nuevo puesto de residencia, o una luenga franca feita servir en una zona de contacto cerenyo entre poblacions lingüisticament esferents; como en un puerto muito activo.

Os pidgins se dioron frecuentment tamién en as colonias, an yeran formatos por a barrecha d'elementos d'a luenga d'a nacion dominant con atras d'as luengas nativas o bien d'esclavos que se i heban levato.

O fablant d'un pidgin emplega as estructuras formals d'a suya luenga materna, as qualas completa con vocables d'a luenga d'o suyo interlocutor; tot y estar emplegato ta mantenir comunicacions entre individuos con competencias lingüisticas esferents, a gramatica normalment se reduce a as estructuras más alazetals.

Un pidgin puet esdevenir a luenga estable d'un grupo social. Quan ixó s'esdeviene como fabla d'un criollo u luenga criolla