Paso de zebra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un paso de zebra^[1] u paso de piatons ye una zona d'intersección entre circulación rodada y o transito piatonal; ye a parti d'o itinerario piatonal que trescruza a calzada de circulación de vehiclos, a o mesmo u a diferent livel.

O paso de zebra ye formau por: "una serie de linias de gran amplaria, dispuestas sobre o pavimento d'a calzada en bandas paralelas a l'eixe d'ista y que forman un conchunto transversal a la calzada, indica un paso pa piatons, a on os conductors de vehíclos u animals han d'aturar-se y deixar-les paso. No podrán emplegar-se linias d'atros colors que alternen con as blancas." (Art. 168 c)

Encara que o concepto cheneral ye evident, no bi ha alcuerdo en a definición d'as suyas mugas. Cuan se parla de l'amplo d'un paso de piatons, no ye claro a qué grandaria concreta se fa referencia, en parti porque muitas normativas embolican os conceptos de vado y de paso piatonal.

O criterio mas adecuau considera l'amplaria d'o paso de zebra como a largaria total d'os vados que l'amugan, y coincidirá con a largaria d'as bandas sinyalizadoras correspondients.

Ye important distinguir-lo d'o paso pa ciclistas (Art. 168 d), marca de paso pa ciclistas^[2]: una marca consistent en dos linias transversals discontinas y paralelas sobre a calzada indica un paso pa ciclistas, a on istos tienen preferencia.