Parasintesi

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A parasíntesi ye un proceso de formación de palabras complexo con trazas de derivación u de composición. Bi n'ha de diferents clases.

Prefixo + sustantivo + sufixo

Pueden estar verbos (esmorteixer, emporcar), sustantivos (talment semontano), u adchectivos (rebordenco).

En o caso de l'aragonés emporcar, como en o caso d'o castellano aterrizar, o sustantivo prene a forma latina anterior a la diftongación romance, (porco, terra), y esto ye una diferencia important con respecto a la composición.

Atra caracteristica d'esta traza de parasintesi ye que si sacamos o prefixo o conchunto sustantivo+sufixo no tien garra significau, y lo mesmo pasa si sacamos o sufixo con o conchunto prefixo+sustantivo. Estos dos feitos representan una diferencia important con respecto a la derivación.

Un d'os prefixos verbals mes comuns en construccions parasinteticas ye o prefixo a- derivau d'o prefixo latín AD- (amaitinar, apedregar).

Sustantivo + sustantivo + sufixo

Ye o caso d'o castellano quinceañero y d'o benasqués poticaixada.

Bibliografía

• (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).

• Datos: Q3092578