Paradoxa de Fermi

De Biquipedia
Ir a la navegación Ir a la búsqueda
I hai billons de planetas posiblement habitables como o representau en a imachen artistica de l'exoplaneta HD 188753 Ab. En muitos d'ells i hai posiblement civilizacions. A qüestión ye: Án son alavez?.

A paradoxa de Fermi, clamada asinas por o fisico italoamericano Enrico Fermi, ye l'aparent contradicción entre a falta d'evidencia de civilizacions extraterrestres y quantas estimacions altas pa la suya prebabilidat (como que qualques estimacions optimistas pa la equación de Drake).

I hai habiu muitos intentos d'explicar a paradoxa de Fermi, sucherindo prencipalment que os sers extraterrestres intelichents son extremadament raros, que a vida de tals civilizacions ye curta u que existen, pero (por quantas razons) no veyemos evidencia.

Encara que no estió o primer en considerar ista qüestión, o nombre de Fermi ye asociau con a paradoxa a causa d'una conversación casual en l'estiu de 1950 con os suyos companyers fisicos Edward Teller, Herbert York y Emil Konopinski mientres caminaban enta l'almuerzo.