Pablo Castrillo

Pablo Castrillo

Pablo Castrillo
Información personal
Nombre	Pablo Castrillo Zapater
Calendata de naiximiento	2 de chinero de 2001
Puesto de naiximiento	Chaca, (Aragón)
Altaria	1,83 m
Peso	72 kg
Esporte	Ciclismo
Información d'equipo
Disciplina	Carretera
Equipos profesionals
2023 - ...	Equipo Kern Pharma
Grans victorias
Victorias en vueltas: Vuelta a Espanya: 2

Pablo Castrillo Zapater (Chaca, Chacetania, Uesca, 2 de chinero de 2001) ye un ciclista aragonés que compite con l'equipo Kern Pharma.

Biografía

Prencipió en a competición ciclista en a categoría cadet, deixando de practicar hockey chelo, lo esporte por excelencia de Chaca, pa incorporar-se a o Club Ciclista Oscense^[1]^[2] inspirau por o suyo chirmán mayor Jaime, qui tamién ye ciclista profesional.

En 2020 s'incorporó a o club Lizarte, reserva d'o nuevo equipo continental Kern Pharma. Mientres a temporada 2022 se distinguió en ganar a Puyada enta Gorla, una reconoixida preba pa chovens escaladors en Espanya. Tamién ganó o Memorial Valenciaga, preba d'a Copa d'Espanya Amateur, asinas como o Campionato d'Espanya de Ciclismo Contrarreloch en categoría sub-23.

Finalment se profesionalizó en 2023 adintro d'a formación de Kern Pharma, dimpués d'haber realizau o suyo periodo de amateur astí.

O 29 d'agosto de 2024 ganó a 12.ª etapa d'a Vuelta a Espanya. O mismo día heba falleixiu Manolo Azcona, creyador de l'equipo Kern Pharma, a qui fue adedicada a victoria.^[3] Repitió triunfo tres días dimpués en a cima d'a Cuitunigru.^[4]