Ir al contenido

Oskar Matute García de Jalón

De Biquipedia
Oskar Matute
Oskar Matute García de Jalón

Actualment en o cargo
Dende o 18 de chulio de 2016
20 de noviembre de 2012 – 15 de chulio de 2016
13 de chulio de 2005 – 6 de chinero de 2009
9 de chinero de 2002 – 22 de febrero de 2005
Naiximiento 5 d'octubre de 1972
Barakaldo, (País Basco)
Partiu EB-B (dica 2009)
Alternatiba (dende 2009)
EH Bildu (dende 2012)
Profesión Politico
Alma Máter Universidat d'o País Basco

Oskar Matute García de Jalón (Barakaldo, 5 d'octubre de 1972) ye un politico basco, portavoz d'Alternatiba dende 2009. Actual portavoz adchunto d'Euskal Herria Bildu en o Congreso d'os Deputaus, a on exerce de deputau por Bizcaya dende 2016, tamién estió deputau en o Parlamento Basco por Ezker Batua-Berdeak entre 2002 y 2009, escanyo que tornó a ocupar entre 2012 y 2016 por Euskal Herria Bildu.

Biografía

[editar | modificar o codigo]

Diplomau en empresarials por a Universidat d'o País Basco, Matute s'inició en l'activismo social a traviés d'os movimientos d'insubmisión a o servicio militar y o movimiento pacifista Elkarri.[1] Amás ye miembro d'a Fundación Viento Sur, a Fundación Gogoa y Comisiones Obreras.

Estió coordinador d'a Presidencia d'Ezker Batua-Berdeak y d'a Presidencia Federal d'Izquierda Unida, y ha estau miembro d'o Parlamento Basco en as VII y VIII lechislaturas. En as dos exerció como vicepresident d'a Comisión d'Ordenación Territorial, Transportes y Medio Ambient; en a VIII, ocupó amás o cargo de President d'a Comisión de Control Parlamentario d'Euskal Irrati Telebista.

S'incorporó a la dirección d'Ezker Batua en representación d'o colectivo Ekaitza, surchiu en 1993 como una corrient interna partidaria d'o sobiranismo basco, o dreito d'autodeterminación, os movimientos socials alternativos y a participación ciudadana en as decisions politicas. A radíz d'a participación d'Ezker Batua en o Pacto d'Estella de 1998, a corriente Ekaitza se transformó en Batzen, d'a que tamién estió portavoz.[2] Ta par d'alavez, Matute tamién yera miembro d'Espacio Alternativo adintro d'Izquierda Unida.[3]

En 2008 encabezó a unica candidatura alternativa en a VII Asambleya d'Ezker Batua y que fue refirmada por os sectors criticos Batzen y Encuentro Plural Alternativo;[4] pero l'Euskadiko Partidu Komunista, que dica alavez s'heba amostrau discrepant con a dirección, optó por refirmar a candidatura prencipal, con lo que finalment se ratificó atra vegada a Javier Madrazo como coordinador cheneral, cargo d'o que dimitió debant d'os malos resultaus electorals que obtenió a suya formación en as eleccions a o Parlamento Basco de 2009.

Paralelament fació parti d'a fundación d'Alternatiba Eraikitzen ('construyindo l'alternativa', en basco), inicialment una organización sociopolitica que miraba de refundar a ezquierda vasca y que se constituyió en partiu politico con o nombre d'Alternatiba, albandonando definitivament Ezker Batua, en abril de 2009. Alternatiba, que se define como un partiu sobiranista y d'ezquierdas,[5] en 2011 s'integró en a coalición electoral Bildu chunto con Eusko Alkartasuna y independients d'a ezquierda abertzale.[6] En as eleccions municipals de 2011 Oskar Matute zarró a lista de Bildu en Barakaldo.

En as eleccions a o Parlamento Basco de 2012 resultó eslechiu como integrant d'a lista d'a coalición Euskal Herria Bildu (EH Bildu) por a circumscripción de Bizcaya.[7] En as eleccions de 2016 encabezó a lista d'EH Bildu a o Congreso por Bizcaya, resultando eslechiu deputau, por lo que fue substituyiu en o Parlamento Basco por l'avogada Jone Goirizelaia.[8] Dende alavez ha repetiu escanyo en as siguients eleccions.

Referencias

[editar | modificar o codigo]
  1. ↑ (es) Unai Morán. «Oskar Matute: "Vamos a mostrar el respeto que se merecen todas las víctimas"». El País. 16 d'aviento de 2011.
  2. ↑ (es) José Ramón Castaños. «Los nuevos dilemas de Ezker Batua». Hika. 5 de noviembre de 2004.
  3. ↑ (es) «Espacio Alternativo, nueva corriente en la coalición». El País. 28 de chunio de 1998.
  4. ↑ Ignacio Medrano. «Los críticos de EB cuestionan a Madrazo y piden que una gestora prepare su asamblea». El Correo. 5 d'abril de 2008.
  5. ↑ «Los críticos abandonan EB e inician su andadura como 'Alternatiba Eraikitzen'». Europa Press. 29 d'abril de 2009.
  6. ↑ Txisko Fernández. «Bildu acude a las elecciones con un proyecto a largo plazo». Gara. 4 d'abril de 2011.
  7. ↑ «EH Bildu apuesta por "un Ejecutivo que traiga el cambio a este país"». Gara. 10 de setiembre de 2012.
  8. ↑ David Yurre. «Jone Gorizelaia vuelve al Parlamento vasco». Cadena SER. 18 de chunio de 2016.

Vinclos externos

[editar | modificar o codigo]
Wikiquote Wikiquote tien una replega de frases celebres de u sobre Oskar Matute García de Jalón.
Obteniu de "https://an.wikipedia.org/w/index.php?title=Oskar_Matute_García_de_Jalón&oldid=2232886"