Escapula
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La escapula u omoplato ye un ueso gran, par y plan, localizau en la porción postero-superior de lo tórax, que chunto con la clavilla forma la cintura escapula permitindo la unión de cada miembro superior a lo tronco. Ye clasificau como ueso plan y tiene una parte translucida.
En lo plan frontal tiene forma triangular, y posee tres anglos (inferior, lateral y superior), dos caras (anterior y posterior) y tres marguins (superior, interno y externo).
En la cara posterior suya, se troba la espina de l'omoplato, que puede estar palpada facilmet, y termina en una apofisi voluminosa, l'acromion, que presente una faceta articular pa la clavilla en la suya marguin interna. Poseye tamién un proceso coracoide, que tiene la forma d'un dido doblau, y se localiza por debaixo de l'acromion, y que sirve pa la inserción muscular. Lo proceso puede parpar-se en lo trianglo clavipeitoral.
L'anglo externo de l'omoplato presenta la cavidat glenoidea, una concavidat de la escapula localizada postero-lateralment, que s'articula con la cabeza de l'humero. Bi ha tamién una incisión escapular y tres fosas: subescapular (en posición inferior en los quadrúpedos), infraspinal y supraspinal.
Los principals musclos que se s'insertan (distalment y proximal) en la escapula son:
- Musclo peitoral menor (proceso coracoide).
- Musclo subescapular (fosa supescapular).
- Musclo infraespinal y musclo supraespinal
- Musclo romboide mayor y musclo romboide menor (marguin meya posterior).
- Musclo serrato anterior (marguin lateral anterior).
- Musclo redondo mayor y musclo redondo menor (marguin lateral posterior).
- Musclo levantador de la escapula (marguin superior posterior).
- Musclo bíceps braquial.
- Musclo coracobraquial.
