O suenio d'a cambra roya

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
O suenio d'a cambra roya

Una d'as pachinas d'a edición Jiaxu d'o libro.
Información cheneral
Autor Cao Xueqin
Chenero literario Novela
Versión orichinal en chinés
País China

O suenio d'a cambra roya (en chinés tradicional: 紅樓夢, chinés simplificato: 红楼梦) ye una obra mayestra d'a literatura chinesa y una d'as cuatre grans novelas clasicas chinesas, chunto con Viache a occident de Xi You Ji, A la ribera de l'augua de Shiuhu Zhuan y Romance d'os Tres Reinos de Luo Guanzhong. Fue escrita a meyatos d'o sieglo XVIII mientres a dinastía Qing y ye atribuita a Cao Xueqin (chinés:曹雪芹)

Se creye que a novela ye semi-autobiografica y que narra la vida d'a familia de Cao. Seguntes l'autor esplanica en o primer capítol, ista quiere estar un homenache a las mullers que conoixió en a suya choventut: amigas, parients y criatas.

A novela ye important no nomás por a gran cantidat de personaches que i apareixen (a mayoría mullers) y o suyo component psicolochico, sino tamién por as suyas descripcions detallatas y minuciosas sobre a vida y as estructuras socials de l'aristocracia chinesa d'o sieglo XVIII. A obra fue publicata de forma anonima debito a la fuerte censura literaria d'as dinastías Ming y Qing, estando conoixita l'autoría de Cao Xueqin con posterioridat.

Os numerosos estudiosos d'a novela s'agrupan baixo una branca dita royolochía. Muitos sinyalan a obra como lo punto culminant d'a literatura clasica chinesa.

Vinclos externos[editar | modificar o codigo]