O Espiello

Iste articlo ye sobre a revista dita O Espiello ta atros usos se veiga espiello (desambigación).

O Espiello yera una revista trimestral redactada integrament en aragonés que lo suyo obchectivo yera la normalización social d'ista luenga.

Estió editada per l'Asociación Cultural Nogará y teneba una tirada de alto u baixo 1.000 eixemplars.

O suyo primer numero amaneixió en chunyo de 2002. En agüerro de 2011, dimpués de diez anyos y 36 numeros, desapareixió a causa d'a crisi economica. En 2015 bi habió un numero especial con o títol "Nogará, 25 anyos por l'aragonés".

O suyo subtítol deciba "una rebista d'autualidat de raso en aragonés". A revista va a prencipiar con vinticuatro fuellas dica plegar en as cuaranta d'o zaguer numero y o suyo preu de venda va estar entre uno y dos euros.

Seccions

• O Branquil (editorial).
• Breus d'a Luenga.
• Noticias d'Aragón.
• Soniar o país.
• A chugar! A leyer!.

Bi heba antimás una replega d'articlos d'opinión, treballos de divulgación y información cheneral.

Vinclos externos

• (an) O Espiello ta leyer en issuu

• Datos: Q65395054