Neral
A neral[1] ye una variedat d'oliva propia d'o norte d'o Semontano de Balbastro. Se troba prencipalment localizada en Alquezra pero tamién ye present en atras localidaz como Asque, Colungo, Buera, Radiquero, Adauesca y Alberuela de la Liena. A vegadas conoixida tamién como negral, ye una denominación que se reserva mas a sobén pa atra variedat, a negral de Biarche.[2]
Ye una d'as variedaz autoctonas prencipals definidas en a Denominación d'Orichen Aceite d'o Semontano.[3] A suya presencia ye documentada por escrito por Félix de Azara en l'anyo 1818.
Caracteristicas agronomicas
[editar | modificar o codigo]L'árbol tien una vigor alta, porte ubierto y densidat espesa. Son árbols grans y viellos, muit resistents a o fredo, belún con doble tronco. Se tracta d'una variedat de producción meya y una mica irregular. O fruito madura tempranament y se mete de color negra.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Variedades de olivo del Somontano. Javier Viñuales Andreu
- ↑ (es) Pliego de condiciones de la DOP Aceite del Somontano. Septiembre 2024