Motor de videochuego

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Godot ye un eixemplo de motor de videochuego.

Un motor de videochuego (en anglés game engine) ye un software disenyau sobretot pa lo desembolique de videochuegos y que, per un regular, incluye bibliotecas y programas de refirme relevants. A terminolochía de motor ye semellant a lo termin motor de software emplegau en a industria d'o software.

Os desembolicadors pueden fer servir motors de videochuegos pa construyir chuegos pa consolas de videochuegos y atros tipos d'ordinadors. A funcionalidat prencipal que gosa proporcionar un motor de chuego puede incluyir un motor de renderizau (renderizador) pa graficos 2D u 3D, un motor de fisica u detección de colisions (y respuesta a colisions), soniu, seqüencias de comandos, animación, intelichencia artificial, retz, transmisión, administración de memoria, subprocesos, suporte de localización, graficos de scena y suporte de video pa cinematicas. Os implementadores de motors de chuegos a ormino estalbian en o proceso de desembolique de chuegos reutilizando u adaptando, en gran parti, o mesmo motor de chuegos pa producir chuegos muit diferents u pa aduyar a portiar chuegos a multiples plataformas.