Mitsubishi A6M Zero

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Mitsubishi A6M Zero
Mitsubishi A6M Zero
Datos chenerals
Tipo	avión de caza
Fabricant	Mitsubishi
Primer vuelo	1939
Grandaria
Largaria	9.06 m
Envergadura	12 m
Superficie alas	22.44 m²
Peso	2,7 t
Especificacions
Autonomía	1,870 km
Motor	1x Nakajima NK1C Sakae-12
Velocidat maxima	533 km/h
Uso
Estato	Retirau
Operador	Fuerza Aeria d'a Marina Imperial Chaponesa
Producción
Unidatz construyitas	10939
Variants	Nakajima A6M2-N
Esquema

Mitsubishi A6M Zero ye un avión de caza desembolicau por Mitsubishi. O suyo primer vuelo estió en 1939. Tien un motor Nakajima NK1C Sakae-12 y una velocidat maxima de 533 km/h . Se'n han construyíu 10939 unidatz.

Se considera que o Zero estió o caza basau en portaavions mas capaz d'o mundo quan s'introdució en primerías d'a Segunda Guerra Mundial, combinando una excelent maniobrabilidat y un alcanz muit largo. O Servicio Aerio de l'Armada Imperial Chaponesa (IJNAS) tamién lo usaba con freqüencia como que caza en tierra.

En as primeras operacions de combate, o Zero se ganó gran reputación, aconseguindo una excelent proporción de muertes de 12 a 1, pero a meyaus de 1942 una combinación de nuevas tacticas y a introducción de millor equipo permitió a os pilotos aliatos embrecar a lo Zero en termins cheneralment iguals.

En 1943, a causa de debilidatz inherents en o suyo disenyo, como que a falta de alirons hidraulicos y timón, o que lo feba extremadament ingobernable a altas velocidatz, y a incapacidat d'equipar-lo con un motor d'avión mas potent, o Zero se tornó gradualment menos efectivo contra os nuevos cazas aliatos. En 1944, con os cazas aliatos opuestos amanando-se a os suyos libels de maniobrabilidat y superando constantment a suya potencia de fuego, blindache y velocidat, l'A6M s'heba quedau obsoleto en gran medida como avión de combate. Manimenos, como que os retardos en o disenyo y as dificultatz de producción obstaculizoron a introducción de modelos d'avions chaponeses mas nuevos, o Zero continó servindo en un paper de primera linia dica o final d'a guerra en o Pacifico. Entre as fases finals, tamién s'adaptó pa o suyo emplego en operacions kamikaze. Chapón produció mas Zeros que qualsiquier atro modelo d'avión de combate entre a guerra.