Mitolochía bretona

A mitolochía bretona ye a mitolochía u replega de falordias heroicas orichinatas en Bretanya, hue Francia. Os bretons yeran un conchunto de chents celtas que se convirtioron a lo cristianismo, ye por ixo que ista mitolochía ye sincretica entre a tradición politeísta celta druidica y o cristianismo.

Muitos dioses celtas han pasato a la mitolochía bretona como santos. Por ixo a Ilesia Catolica no admite a totz os santos bretons como santos reals.

• Sant Gobrien ye en realidat o dios ferrer que se clama Govannon en Galas y Goibniu en Irlanda.
• Sant Korneli ("Sant Cornel" en aragonés) ye Cernunnos, o dios con os cuernos de ciervo u mardano.

No totz os santos bretons no admesos por a Ilesia Catolica son divinidatz celtas.

• Sant Gurthiern ye Vortigern, rei usurpador y traidor en a mitolochía galesa y presonache historico.

Bi ha nombres de presonaches pareixitos a os de presonaches d'a mitolochía galesa.

• Rivanona, madre de Sant Erbando patrón d'os bardos, provién de RIGANTONA, a mesma radiz que a Rhiannon d'os Mabinoggion.
• Guanius, carceler en a versión bretona d'o martirio de Santa Ursula provién d'a mesma radiz que o galés Gwinn ab Nudd
• Melga tamién carceler en ista versión ye o mesmo presonache que Meleagant d'os mitos arturicos.

Os Anaon, almas d'os defuntos, tienen una relación remota probable con os Tuatha de Dannam, principals dioses de la mitolochía irlandesa.

Bibliografía

• Jean Markale: Pequeño diccionario de mitología céltica. Alejandría, 1995. 2000.