Miopía
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A miopía (d'o griego μύω, "contrayer (os uellos)", y ὄψ, "uello") ye un defecto de refracción d'o uello en o qual os rayos de luz paralelos converchen en un punto focal situau debant d'a retina, en cuenta de convercher en a mesma retina; ye o defecto inverso a la hipermetropía, en a quala os rayos de luz plegan a la retina antes de converger.[1]
Puede definir-se tamién como un exceso de potencia de refracción d'os meyos transparents d'o uello respective a la suya longaria, por o que os rayos luminosos procedents d'obchectos situaus a bella distancia d'o uello converchen enta un punto anterior a la retina.
Una persona con miopía tiene dificultatz ta enfocar bien os obchectos leixans, o que provoca deficit de agudeza visual y puede conducir tamién a dolors de cabeza, estrabismo, incomodidad visual y irritación d'o uello.
A miopía ye un defecto de refracción u ametropía. Ye freqüent pero no ye o problema visual mas común en o mundo, pus iste puesto l'ocupa unatra ametropía, a hipermetropía. Isto ocurre encara en países con alta incidencia de miopía, como os Estaus Unius, an que aproximadament o 25% d'a población tiene miopía.
A magnitut d'a miopía se mide en dioptrías negativas.
A miopía se corriche con lentes diverchents, ya sían lunetas u lentes de contacto. En qualques casos puede utilizar-se a cirurchía.
Clasificación[editar | modificar o codigo]
Encara que son posibles diferents clasificacions, lo mas usual ye dividir-la en dos grupos:[2]
- Miopía simple: A graduación no sobreixe as 6 u 5 dioptrías y ye d'evolución limitada dica os 22 u 24 anyos.
- Miopía patolochica, tamién clamada miopía magna y miopía progresiva: A graduación sobreixe as 6 dioptrías, se creye que ye causada por una alteración en o desembolique d'o segmento posterior d'o uello, pueden amaneixer diferents complicacions como a atrofia coriorretiniana, a maculopatía miópica y o desprendimiento de retina.
Referencias[editar | modificar o codigo]
- ↑ Demetrio Pita Salorio: Diccionario terminológico de oftalmología, 2009.
- ↑ Emilio Pimentel: Oftalmología en atención primaria, capítulo IV, defectos de refracción, 2001, ISBN 84-95658-67-4.
