Micronación
Micronación (tamién dita a vegatas cibernación, país de fantasía u prochecto de nuevo país) ye una entidat que tien apariencia de nación u estato independient, pero que en realidat nomás existe en papel, en Internet u en a mentalidat d'os suyos creyadors. Bellas micronacions han conseguito estendillar lurs operacions en o mundo real, de manera que tienen bandera, moneda u servicio postal propios. Se tracta d'usar elementos d'as nacions y estatos por un regula acceptatos en o mundo real que puedan servir ta facilitar a credibilidat d'a chent, tanto en l'interior como en l'exterior d'as micronacions.
O termin micronación ye un neolochismo creyato en os anyos 1990 ta describir os mils de chicotas y no reconoixitas entidatz-estatos que amaneixioron a o largo d'ixa decada. O termin se fa servir retroactivament ta entidatz no reconoixitas, belunas creyatas en o sieglo XIX. En os zaguers anyos s'ha feito servir o termin micropatrolochía ta denominar o estudeo d'as micronacions, encara que no ye una disciplina academica formal. Os aficionatos a las micronacions a sobén se refieren a las nacions-estato sobiranas reals como macronacions.
