Michael Schumacher

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Michael Schumacher
O piloto de Formula 1 Michael Schumacher.
Información personal
Nacionalidat	alemán
Naixito	{{{Born}}}
Muerto	{{{Death}}}
Información d'o equipe
Equipe	Jordan Benetton-Ford / Renault Mercedes Scuderia Ferrari
Numero
Datos en a Formula 1
Cursas prencipiatas	308
Campionatos mundials	7 (1994, 1995, 2000, 2001, 2002, 2003, 2004)
Victorias	91
Podios	155
Pole positions	68
Vueltas rapedas	77
Primer Gran Premio	Gran Premio de Belchica de 1991
Primera victoria	Gran Premio de Belchica de 1992
Posición en 2012

Michael Schumacher, naixiu de Hürth (Renania d'o Norte-Westfalia, Alemanya) o 3 de chinero de 1969, ye un ex-piloto alemán de Formula 1, con una destacada carrera esportiva dende primerías d'os anyos 1990, estando mesmo Campión d'o Mundo de Formula 1 en 1994, 1995, 2000, 2001, 2002, 2003 y 2004. Ye considerau per gran parte d'os especialistas y aficionaus como lo millor piloto d'a historia de l'automobilismo y durant la suya vida esportiva acumuló un total de 91 victorias, 68 poles, 77 vueltas rapidas y 155 podios, superando los numeros d'Alain Prost, qui ostentaba estes récords en os anyos 90. Fueras d'as vueltas rapidas, ixes récords estioron batius per Lewis Hamilton en l'anyo 2020, encara que cal tener en cuenta que as temporadas de Formula 1 en l'actualidat tienen muitas mas cursas en o calandario anyal.

Mientres a suya vida esportiva ha recibiu tamién cuantos premios entre os que cal destacar o Premio Prencipe d'Asturias d'os Esportes que se li concedió en l'anyo 2007 por a suya gran trachectoria esportiva, as suyas donacions altruistas y a replegada de diners pa a promoción d'o esporte entre as personas mas desfavorecidas.

O 29 d'aviento de 2013, mientres desfrutaba d'as vacancias nadalencas con a suya familia en a estación hibernal francesa de Méribel (en Les Allues), tenió un accident trucando-se grieument en a cabeza mientres practicaba esquí difuera de pista. Dende alavez, se desconoixe lo estau real d'a suya salut, ya que la familia tasament da información a lo respecto.

Parte d'a suya familia tamién ye relacionada con as competicions de motor como pilotos, su chirmán menor, Ralf Schumacher, tamién estió piloto de Formula 1 y su meyo chirmán, Sebastian Stahl, estió piloto d'automobilismo. Lo suyo fillo Mick Schumacher estió piloto de Formula 1 y actualment compite en cursas de resistencia. Un sobrino suyo, David Schumacher (fillo de Ralf), disputó la Formula 3 y lo DTM.

En l'anyo 2021, Netflix estrenó lo documental Schumacher, basau en a suya vida personal y profesional.

Vinclos externos

• Se veigan as imáchens de Commons sobre Michael Schumacher.
• (en) Pachina web oficial de Michael Schumacher.

• Datos: Q9671
• Multimedia: Michael Schumacher / Q9671