Confederación Mezmut

De Biquipedia
(Reendrezato dende Mezmutz)
Ir a la navegación Ir a la búsqueda

Los Mezmut estioron una de las confederacions tribals berbers més importants de la Edat Meya chunto con las confederacions Zanata y los Zenacha. Los actuals berbers que charran lo Taxelhit descienden de los Mezmuz medievals.

Historia[editar | editar código]

Los Mezmutz viviban en l'actual Marruecos y yeran agricultors sedentarios. L'aristocracia Mezmut viviba en Agmat (Alto Atlas).

Bellas tribus mezmutas s'establioron en Al-Andalus en la primera etapa d'invasions musulmanas. Yeran d'orichen mezmut familias como los Banu Tarif d'Osuna, los Banu Timlit d'Ateca y Pozuel de Fariza, los Banu Salim de Medinaceli y los Banu-Faradj de Guadalachara. En lo Matarranya unos mallos famosos pa los escaladors prenen nombre de los Mezmutz (Les Roques del Masmut).

Dende lo sieglo X, las confederacions Cenacha y Zanata invadioron lurs tierras, y dimpués en lo sieglo XII los beduins arabes de la tribu Banu Hilal.

Ibn Tumart predicó una doctrina ortodoxa y achuntó las diferents tribus Mezmut a prencipio de lo sieglo XII fundando lo movimiento al-Muwahhidun (os "almuades"), que con lo tiempo ocuparía a més gran parte de Berbería y l'Al-Andalus a tamás de la resistencia de lo Rei Lop. Los cristians aragoneses lis diciban mezmuds a los almuades por l'orichen tribal de la més gran part d'ixe exercito.

Quan lo movimiento relichioso ortodoxo mezmut desapareixió lo modo de vida tradicional permaneixió. Bells pueblos berbers que descienden de los Mezmutz son los Hhaha d'Alcheria y los Xluh en l'Atlas.

Veyer tamién[editar | editar código]