Meyo interestelar

De Biquipedia
Ir a la navegación Ir a la búsqueda
Distribución de l'hidrchén ionizau en o meyo interestelar visible dende l'hemisferio norte d'a Tierra.

En astronomía, o meyo interestelar ye a materia y a radiación que existe en l'espacio entre os sistemas estelars d'una galaxia. Ista materia incluye gas en forma ionica, atomica y molecular, asinas como polvo y rayos cosmicos. Imple l'espacio interestelar y se mezcla suaument con l'espacio intergalautico circumdant. L'enerchía que ocupa o mesmo volumen, en forma de radiación electromagnetica, ye o campo de radiación interestelar.

O meyo interestelar se compone de multiples fases que se distinguen por si a materia ye ionica, atomica u molecular, y a temperatura y densidat d'a materia. O meyo interestelar ye componiu, prencipalment, d'hidrochén, seguiu d'helio con trazas de carbonio, oxichén y nitrochén.

En todas as fases, o meyo interestelar ye extremadament tenue pa os estandars terrestres. En as rechions fredas y densas d'o meyo interestelar, a materia se troba prencipalment en forma molecular y aconsigue densidatz numericas de 106 moleculas por cm3 (1 millón de moleculas por cm3). En as rechions calients y difusas d'o meyo interestelar, a materia ye prencipalment ionizada y a suya densidat puede estar tant baixa como 10−4 ions por cm3.