Metano atmosferico

De Biquipedia
Ir a la navegación Ir a la búsqueda
Variación d'a concentración de metano en l'atmosfera d'a Tierra en as zagueras 800.000 anyadas.

O metano atmosferico ye o metano que se troba en l'atmosfera d'a Tierra y ye un d'os gases d'efecto hibernadero mas importants. O metano ye un gas que por fracción de volumen s'estima que captura 29 vegadas mas calor que o dioxido de carbonio visto entre un periodo de cient anyos.[1] Manimenos, como que a concentración de metano (1.8-1.9 ppm) ye aproximadament 200 vegadas menor que a concentración de dioxido de carbonio (410-420 ppm), o dioxido de carbonio tien un efecto mayor como gas d'efecto hibernadero que o metano.

A concentración ye mayor en o hemisferio norte porque i hai muitas mas fuents de metano en as grans masas de tierra astí. O conteniu global de metano ha aumentau a lo menos 2,5 vegadas mas dende antis d'o industrialismo.[2]

O metano se creya amán d'o suelo y dimpués s'eleva a l'estratosfera en os tropicos. A lo prencipio d'a historia d'a Tierra, o metano se formó en l'atmosfera a traviés de l'actividat volcanica. A sciencia creye que o gas chuga un paper en l'atmosfera temprana y a formación d'organismos viables.

A concentración de metano en l'atmosfera ha aumentau en aproximadament un 150% dende 1750 y agora represienta o 20% de l'impauto d'a radiación d'os gases d'efecto hibernadero de larga duración. Seguntes a NOAA, os libels s'han mediu en 1890 ppb en Irlanda, en l'hemisferio norte y 1760 ppb en Tasmania, en l'hemisferio sud.

Os investigadors s'han sorprendiu que s'haiga liberau mas metano a l'atmosfera d'o que pueden producir as industrias y atras fuents de metano, pero recientment (2017) troboron una fuent inasperada en os ocians. Os microbios marinos son la causa d'iste exceso de metano.[3]

Referencias[editar | modificar o codigo]

  1. (en) Climate Change 2013: The Physical Science Basis - Anthropogenic and Natural Radiative Forcing Supplementary Material" (PDF). Cambridge University Press.”.
  2. (en) Climate Change 2013: The Physical Science Basis - Summary for Policymakers" (PDF). Cambridge University Press”.
  3. (en) "Researchers establish long-sought source of ocean methane" en ScienceDaily.com