Metal Gear

De Biquipedia
Ir a la navegación Ir a la búsqueda
Metal Gear.

Metal Gear (en chaponés: メ タ ル ギ ア) ye una serie de videochuegos d'acción y aventura de sichilo creyaus por Hideo Kojima y desembolicaus y publicaus por Konami. O primer chuego, Metal Gear, estió lanzau en 1987 pa ordinadors domesticos MSX.

O chugador a ormino prene o control d'un operativo d'as fuerzas especials (cheneralment Solid Snake u Big Boss), a qui se le asigna o quefer de trobar a superarma titular "Metal Gear", un tanque bipedo que camina con a capacidat de lanzar armas nucleyars. S'han lanzau quantas seqüelas pa multiples consolas, que han enamplau a trama d'o chuego orichinal, adhibindo personaches que s'oposan y emparan a Snake, mientres que tamién i hai habiu belunas preqüelas que exploran os orichens de Metal Gear y personaches recurrents. O tercer chuego d'a serie, Metal Gear Solid pa PlayStation, marcó o comienzo d'una linia completament nueva de 3D pa Metal Gear. A chunio de 2020, s'han vendiu mas de 56 millons de copias de chuegos d'a franquicia en totz, con entregas individuals aclamadas por a critica y comercialment y recibindo quantos premios. A la serie se le atribuye estar pionera y popularizar os videochuegos de sichilo y os "videochuegos cinematograficos". Os rasgos notables d'a serie incluyen mecanica sichilosa, scenas cinematograficas, tramas intrincadas, una humor poca convencional y de quatrena paret, y exploración de temas ciberpunk, distopicos, politicos y filosoficos, con referencias a cintas d'Hollywood pa adhibir gusto. A franquicia tamién s'ha adaptau a atros meyos, como que cómics, novelas y CD de dramas. Solid Snake tamién ha amaneixiu en atros chuegos, como que a serie Super Smash Bros. y Ape Escape 3.