Messerschmitt Me 262

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Messerschmitt Me 262
Messerschmitt Me 262
Datos chenerals
Tipo	avión de caza
Fabricant	Messerschmitt
Primer vuelo	1942
Grandaria
Largaria	10.6 m
Envergadura	12.6 m
Superficie alas	21.7 m²
Peso	7,1 t
Especificacions
Autonomía	1,050 km
Motor	2x Junkers Jumo 004B-1
Velocidat maxima	900 km/h
Uso
Estato	Retirau
Operador	Luftwaffe
Producción
Unidatz construyitas	1430
Esquema

Messerschmitt Me 262 ye un avión de caza de primera cheneración desembolicau por Messerschmitt. O suyo primer vuelo estió en 1942. Tien dos motors Junkers Jumo 004B-1 y una velocidat maxima de 900 km/h. Se'n han construyíu 1430 unidatz.

O Messerschmitt Me 262, embotau Schwalbe (en aragonés: "volandrina") en as versions de combate, u Sturmvogel (en aragonés: "muixón de tronada") en as versions de caza-bombardero, estió o primer avión de combate operativo a reacción d'o mundo. O treballo de disenyo prencipió antis que prencipiase a Segunda Guerra Mundial, pero os problemas con os motors, a metalurchia y a interferencia d'alto livel mantenioron a l'aeronau estase d'o estau operativo con a Luftwaffe dica meyaus de 1944. O Me 262 yera mas rapido y yera mas armau que qualsiquier caza aliato, incluiu o Gloster Meteor britanico tamién propulsau a reacción. Un d'os disenyos d'aviación mas abanzaus en emplego operativo entre a Segunda Guerra Mundial, os papers d'o Me 262 incluiban versions de bombardero liuchero, reconoixencia y caza nocturno experimental.

Os pilotos de Me 262 afirmoron un total de 542 avions aliatos espaldaus, encara que a vegadas se fan afirmacions mas altas. Os Aliatos contrarrestoron a suya efectividat en l'aire atacando l'avión en tierra y entre o desapegue y l'aterrizache. L'escasez de materials estratechicos y os compromisos de disenyo d'os motors turborreactors de fluxo axial Junkers Jumo 004 provocoron problemas de fiabilidat. Os ataques d'as fuerzas aliatas a os suministros de combustible entre o malmetimiento d'a situación de finals d'a guerra tamién reducioron a eficacia de l'aeronau como fuerza de combate. A producción d'armamento en Alemanya se centró en avions de fabricación mas facil. A la fin, o Me 262 tenió un impacto insignificant en o curso d'a guerra como que resultau d'a suya tardana introducción y, en conseqüencia, o reduciu numero d'unidatz mesas en servicio operativo. Si bien l'emplego alemán de l'avión remató con o final d'a Segunda Guerra Mundial, un chicot numero estió encara operau por a Fuerza Aeria Checoslovaca dica 1951. Tamién influyó muito en quantos disenyos, como que Sukhoi Su-9 y Nakajima Kikka. Os Me 262 capturaus estioron estudiaus y prebaus en vuelo por as prencipals potencias, y finalment influyoron en os disenyos d'avions de posguerra como o North American F-86 Sabre, o MiG-15 y o Boeing B-47 Stratojet. Quantos avions sobreviven en exhibicions estaticas en museus, y i hai quantas reproduccions voladeras construidas de forma privada que utilizan motors modernos General Electric J85.