Tsunami
Un tsunami[1] (d'o chaponés tsu, "puerto" u "badía", y nami, "ola"; literalment significa gran ola en o puerto) tamién conoixito como maremoto[1] (d'o latín mare, mar y motus, movimiento) ye una ola u un conchunto d'olas de gran enerchía que son producitas cuan bel fenomeno extraordinario desplaza verticalment una gran masa d'augua. Se calcula que o 90% d'istos fenomenos son prevocatos por tierratremos, en o cual caso les ne diz, mas concretament, tsunamis tectonicos. A enerchía d'un maremoto pende d'a suya altaria (amplaria d'a onda) y a suya velocidat. A enerchía total descargata sobre una zona de costa tamién penderá d'a cantidat de picos que leve o tren d'olas (en o tsunami de l'oceano Indico habió 7 picos). Ista mena d'olas rechira una cantidat d'augua muito superior a las olas superficials producitas per l'aire. Os tsunamis plegan muito luent d'o suyo orichen, a mils de kilometros.
As explosions volcanicas tamién pueden chenerar tsunamis. En 1883 a erupción freato-magmatica d'o Krakatoa en produció un que arribó en a isla de Chava y mató a 36.417 personas.[2]
Bibliografía
[editar | modificar o codigo]- (es) Gascón, M. et al. (2005). Vientos, terremotos, tsunamis y otras catástrofes naturales. Historia y casos latinoamericanos. Buenos Aires: Biblos. 159 pp. ISBN 950-786-498-9.
Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGraw-Hill, p 151
