Maratón en os Chuegos Olimpicos de París 1900

Principio d'a cursa.

A maratón en os Olimpicos París 1900 estió una cursa que fue parte d'o programa de l'Atletismo en os Chuegos Olimpicos de 1900 y que se fació o 19 de chulio de 1900. En a sortida bi heba 13 atletas de 5 países ta fer una distancia de 40,26 km.

En istos Chuegos encara no habió cursa femenina.

Desembolique d'a cursa

O día amaneixió con muito calor, 39 graus celsius quan principió a cursa. Ta principiar a cursa os corredors facioron quatre vueltas a la pista de 500 metros y d'antis d'o termín d'a primera vuelta Johan Nyström albandonó a cursa. Bi ha pocas referencias d'o desembolique d'a cursa pero seguntes qualques fuents sembla que o francés Georges Touquet-Daunis fue a capeza d'a cursa dica a meitat, quan albandonó, o sueco Ernst Fast ocupó o primer lugar en a cursa pero yera ya muito canso y Michel Théato li abanzó ta ganar a cursa con un tiempo de 2h 59' 45", segundó fue Émile Champion y Fast terminó a cursa en o tercer puesto a mas de 40 menutos d'o ganador.

Tiempo dimpués Arthur Newton dició que Michel Théato y Émile Champion aproveitaron a suya conoixencia d'as carreras de París ta fer trampa y ganar por que ell no los vió garra vegata y tampoco no li abanzoron. Istas declaracions no coinciden con as referencias que hi hai d'o desembolique d'a cursa y no explanica o tercer puesto de Fast.

Claseficación

Puesto	Atleta	Tiempo
	Michel Théato	2h 59' 45"
	Émile Champion	3h 04' 17"
	Ernst Fast	3h 37' 14"
4	Eugène Besse	4h 00' 43"
5	Arthur Newton	4h 04' 12"
6-7	Dick Grant	Desconoixito
	Ronald J. MacDonald	Desconoixito
—	Auguste Marchais	DNF
	E. Ion Pool	DNF
	Frederick Randall	DNF
	William Saward	DNF
	Georges Touquet-Daunis	DNF
	Johan Nyström	DNF

Vinclos externos

• (en) A maratón en os Chuegos Olimpicos París 1900.