Maratón en os Chuegos Olimpicos de París 1900

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A maratón en os Olimpicos París 1900 estió una cursa que fue parte d'o programa de l'Atletismo en os Chuegos Olimpicos de 1900 y que se fació o 19 de chulio de 1900. En a sortida bi heba 13 atletas de 5 países ta fer una distancia de 40,26 km.

En istos Chuegos encara no habió cursa femenina.

Medallero

Oro	Archent	Bronce
Michel Théato	Émile Champion	Ernst Fast

Formato de competición

A cursa se desembolicó con o sistema de final directa con una distancia total d'alto u baixo 40 km. en a que os corredors facioron cuatre vueltas a la pista de 500 metros ta dimpués fer una tombada por as carreras de París y tornar en l'estadio olimpico.

Desarrollo d'a cursa

O día amaneixió con muito calor, 39 graus celsius cuan principió a cursa. Ta principiar a cursa os corredors facioron cuatre vueltas a la pista de 500 metros y d'antis d'o termín d'a primera vuelta Johan Nyström albandonó a cursa. Bi ha pocas referencias d'o desarrollo d'a cursa pero seguntes cualques fuents sembla que o francés Georges Touquet-Daunis fue a capeza d'a cursa dica a meitat, cuan albandonó, o sueco Ernst Fast ocupó o primer lugar en a cursa pero yera ya muito canso y Michel Théato li abanzó ta ganar a cursa con un tiempo de 2h 59' 45", segundó fue Émile Champion y Fast terminó a cursa en o tercer puesto a mas de 40 menutos d'o ganador.

Tiempo dimpués Arthur Newton y Ronald J. MacDonald dicioron que Michel Théato y Émile Champion aproveitaron a suya conoixencia d'as carreras de París ta fer trampa y ganar por que no los vioron garra vegata y tampoco no lis abanzoron. Istas declaracions no coinciden con as referencias que hi hai d'o desarrollo d'a cursa y no explanica o tercer puesto de Fast.

Clasificación

Puesto	Atleta	Tiempo
	Michel Théato	2h 59' 45"
	Émile Champion	3h 04' 17"
	Ernst Fast	3h 37' 14"
4	Eugène Besse	4h 00' 43"
5	Arthur Newton	4h 04' 12"
6-7	Dick Grant	Desconoixito
6-7	Ronald J. MacDonald	Desconoixito
—	Auguste Marchais	DNF
	E. Ion Pool	DNF
	Frederick Randall	DNF
	William Saward	DNF
	Georges Touquet-Daunis	DNF
	Johan Nyström	DNF

Vinclos externos

(en) A maratón en os Chuegos Olimpicos París 1900.

Maratón en os Chuegos Olimpicos
Edicions: Atenas 1896 \| París 1900 \| Saint Louis 1904 \| Londres 1908 \| Estocolmo 1912 \| Anvers 1920 \| París 1924 \| Amsterdam 1928 \| Los Angeles 1932 \| Berlín 1936 \| Londres 1948 \| Helsinki 1952 \| Melbourne/Estocolmo 1956 \| Roma 1960 \| Tokio 1964 \| Mexico 1968 \| Múnich 1972 \| Mont-reyal 1976 \| Moscú 1980 \| Los Angeles 1984 \| Seúl 1988 \| Barcelona 1992 \| Atlanta 1996 \| Sydney 2000 \| Atenas 2004 \| Pekín 2008 \| Londres 2012 \| Rio de Janeiro 2016 \| Tokio 2020 \| París 2024
Prebas d'atletismo en os Chuegos Olimpicos
Prebas: 100 metros lisos \| 200 metros lisos \| 400 metros lisos \| 800 metros lisos \| 1.500 metros lisos \| 3.000 metros lisos \| 5.000 metros lisos \| 10.000 metros lisos \| Maratón \| 60 metros cletas \| 100 metros cletas \| 110 metros cletas \| 400 metros cletas \| 3.000 metros obstaclos \| Brinco de largaria \| Brinco d'altaria \| Triple brinco \| Brinco con percha \| Tirada de peso \| Tirada de disco \| Tirada de chavalina \| Tirada de martiello \| Pentatlón \| Heptatlón \| Decatlón \| Relevos 4x100 \| Relevos 4x400 \| 5.000 metros marcha \| 10 km marcha \| 20 km marcha \| 35 km marcha \| 50 km marcha

Datos: Q210838