Maratón de Nueva York de 2012

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Maratón de Nueva York de 2012 yera a 44ena. edición d'a Maratón de Nueva York que heba de fer-se o 4 de noviembre de 2012 pero no podió fer-se por o paso de l'Huracán Sandy .

O paso de l'Huracán Sandy a semana d'antis complicó a situación d'a zona, y se'n teneban dubdas d'a conveniencia d'a celebración d'a preba ya que i eba chent sin de luz y atras necesidaz basicas, y no i heba tranporte publico. Tres días antis d'a calentada de celebración l'alcalde Michael Boolmerg dició que si que se feba, pero a l'atro diya cambió d'opinión y creyeba que no s'heba de celebrar pa poder centrar toz los esfuerzos en recuparse d'os danyos producius per o paso de l'huracán.

Finalment a preba no se fació, destinando os recursos d'a maratón, agua, comida, instalacions, personal, entre d'atros a disposición d'as autoridaz ta aduyar a os afectaus. Esto cheneró una gran controversia entre os que pensaban que si yera convenient a suya celebración y os que no. A isto caleba sumar os que yeran inscritos y s'heban ya desplazau u os que heban realizau un gran desembolso de diners contratando viaches y aloches pa competir y que per l'anulación d'a preba pocos diyas antis de celebrar-se o teneban mal pa o retorno d'os suyos diners.

A organización d'a preba proposó tres solucions: un reembolso; a partecipación garantizada ta a Maratón de Nueva York en as edicions de 2013, 2014, o 2015; u a partecipación garantizada ta a NYC Half 2013.

Gran parte d'a chent comprendió a situación y s'ofrioron pa aduyar en labors socials a los afectaus per lo huracán, atros facioron maratones alternativas como en lugars como Central Park.

• Datos: Q110099753