Mar de Bering
|
Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con éls en a suya pachina d'usuario u a pachina de discusión de l'articlo ta poder coordinar-ne la redacción. |
| Mar de Bering | ||
| Oceano u mar d'a IHO (n.º id.: 55) | ||
 | ||
| Localización administrativa | ||
|---|---|---|
| Estau |  Rusia Estaus Unius
| |
| División | Rechions | |
| Subdivisión |  Krai de Kamchatka (Rusia) Districto autonomo de Chukotka (Rusia) Alaska (Estaus Unius)
| |
| Cheografía | ||
| Oceano | Oceano Pacifico | |
| Continents | America d'o Norte y Asia | |
| Mars mugants | Mar de Chukotka | |
| Subdivisions | Norton Sound Golfo de l'Anadyr | |
| Islas interiors | Islas d'o Comandant (islas Aleutianas) Isla de Bering Islas Pribilof Islas Diomedes Isla Nunivak Isla Sant Lorient Isla Nelson Isla Karaginsky | |
| Ríos que i cayen | Río Yukon Río Kuskokwim Río Nushagak Río Anadyr Río Kamchatka | |
| Accidents | ||
| • Golfos y badías | Badía de Karanga Badía de Bristol Badía de Kuskowin | |
| • Estreitos | Estreito de Bering | |
| Superficie | 2.000.000 km² | |
| Largaria maxima | 2.400 km | |
| Mapas | ||
 | ||
 | ||
 | ||
A mar de Bering (en |anglés Bering Sea, en ruso Бе́рингово мо́ре, transliterau como Beringovo more [ˈbʲerʲɪnɡəvə ˈmorʲe]) ye una mar que ye la parte situada mas a lo norte de l'oceano Pacifico, con una superficie d'alto u baixo de 2 millons de km². A mar de Bering muga a l'este con Alaska (Estaus Unius), a lo sud con a peninsula d'Alaska y las islas Aleutianas que la deseparan de l'oceano Pacifico, a l'ueste con Siberia y la peninsula de Kamchatka en Rusia y a lo norte con Alaska, comunicando-se por o norte con a mar de Chukotka en l'oceano Glacial Arctico a traviés de l'estreito de Bering.
Recibe lo suyo nombre por o navegant neerlandés Vitus Bering, qui n'estió lo descubridor cuan exploraba la redolada estando a lo servicio de l'Imperio Ruso. Actualment, una part d'as suyas auguas son internacionals pero mesmo Rusia que Estaus Unius en poseyen una part d'as suyas auguas como auguas territorials d'os suyos dos estaus.
Historia
[editar | modificar o codigo]Mientres a glaciación Würm o livel d'a mar decendió como consecuencia de l'acumulación de chelo, permetindo asinas que la fauna trescruzase l'estreito de Bering dende America enta Asia u viceversa, en o que se conoix como puent de Beringia. Iste ye lo camín que siguioron os primers humans en plegar en o continent americano (encara que no toz os cientificos comparten ixa opinión).
Cheografía
[editar | modificar o codigo]Limites
[editar | modificar o codigo]A Organización Hidrografica Internacional define los limites d'a mar de Bering asinas:[1]
- A lo norte con a mar de Chukotka (que clama mar de Chukchi) en una linia que sigue lo cerclo polar arctico entre Siberia y Alaska.
- A lo sud en una linia que marcha dende lo cabo Kabuch (54°48′N 163°21′O) en a peninsula d'Alaska a traviés d'as islas Aleutianas dica l'extremo meridional d'as islas Komandorski dica lo cabo Kamchatka.
Islas
[editar | modificar o codigo]As islas incluyidas en a mar de Bering son:
- Islas Pribilof, incluyindo-ie la isla de Saint Paul.
- Islas Komandorski, incluyindo-ie la isla Bering.
- Isla Sant Lorient.
- Islas Diomedes.
- Isla d'o Rei.
- Isla Sant Mateu.
- Isla Karaginsky.
- Isla Nunivak.
- Isla d'o Trineu.
- Isla Hagemeister.
Subdivisions
[editar | modificar o codigo]En fan parte d'a mar de Bering:
Canyons submarinos
[editar | modificar o codigo]En fan parte 16 canyons submarinos, incluyindo-ie lo canyón Zhemchug, lo canyón submarino mas gran d'o mundo.
Ecosistema
[editar | modificar o codigo]A plataforma continental d'a mar de Bering ye lo prencipal motor d'a productividat primaria d'ista mar.[2] Ista zona, a on a plataforma continental baixa enta la cuenca d'as Aleutianas d'o Norte, se conoix tamién como lo "cinturón verde". L'afloramiento de nutrients d'as auguas frías d'a cuenca d'as Aleutianas que fluyen por a pendient y se conchiran con as auguas de menos fondaria d'a plataforma proporciona una producción constant de fitoplancton, base ta l'alimentación marina.
O segundo factor que impulsa la productividat en a mar de Bering ye lo chelo maritimo estacional que colabora en a floración de primavera d'o fitoplancton. A redetida estacional d'o chelo maritimo provoca l'afluyencia d'augua con menor concentración de sal en bellas zonas d'a plataforma continental, provocando la estratificación y bels efector hidrograficos que influyen enna productividat.[3] Amás, o chelo maritimo proporciona un substrato que permite la fixación d'algas, mesmo que en permite la suya creixencia en intersticios d'o chelo.[4]
Referencias
[editar | modificar o codigo]- ↑ (en) Limits of Oceans and Seas, 3rd edition (.pdf). International Hydrographic Organization. 1953.
- ↑ (en) A.M. Springer, C.P. McRoy y M.V. Flint: The Bering Sea Green Belt: Shelf-edge processes and ecosystem production, en Fisheries Oceanography. 5 (3–4): 205. 1996.
- ↑ (en) J.D. Schumacher,T. H. Kinder, D.J. Pashinski y R.L. Charnell: [https://doi.org/10.1175%2F1520-0485%281979%29009%3C0079%3AASFOTC%3E2.0.CO%3B2 "A Structural Front over the Continental Shelf of the Eastern Bering Sea", en Journal of Physical Oceanography. 9 (1): 79, 1979.
- ↑ (en) Lasse M. Olsen, Pedro Duarte, Cecilia Peralta-Ferriz, Hanna M. Kauko, Malin Johansson, Ilka Peeken, Magdalena Różańska-Pluta, Agnieszka Tatarek, Jozef Wiktor, Mar Fernández-Méndez, Penelope M. Wagner, Alexey K. Pavlov, Haakon Hop y Philipp Assmy: A red tide in the pack ice of the Arctic Ocean, en Scientific Reports, 9 (1): 9536.
Vinclos externos
[editar | modificar o codigo]
Se veigan as imáchens de Commons sobre la mar de Bering.
