Malaca portuguesa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Malaca Portuguesa yera en o territorio d'a Malaca d'os nuestros dias, que por mes d'un sieglo estió una colonia portuguesa.

Historia

Os portugueses arriban en a India a fins d'o sieglo XV y i descubren que as especias provienen d'as islas d'o sudeste asiatico y lo comercio d'especias ye en mans d'os musulmans.

Os portugueses prochectan quedar-sen con o monopolio d'o comercio d'especias y baixo o mando d'Afonso de Albuquerque prenen Malaca o 15 d'agosto de 1511. Afonso de Albuquerque procuró alzar fortificacions permanents bistrayendo-se contra os ataques d'o soldán Mahmud. Una d'estas fortalezas fue costruita en o mesmo palacio d'o soldán, destruito en a luita por a ciudat. Dimpués de prener Malaca os portugueses atacan as Molucas, establindo-ie relacions con os soldanatos de Ternate y de Tindore. Dimpués s'establixen en Ambon y Timor.

Dica 1570 os portugueses obtienen muitos beneficios d'o comercio d'especias. Cheopoliticament son solos y no gobiernan que en Malaca y pocos puertos. Por prebar de convertir a la población a lo cristianismo, a vegatas por a fuerza, no tienen guaires refirmes locals. As conversions només son lumerosas que en Timor.

Os neerlandeses forachitarán a los portugueses d'as islas en tiempos d'a guerra d'independencia d'os Países Baixos. A primera expedición holandesa arriba en Chaba en 1596. En 1602 fundan a Vereenidge Oostindische Compagnie. Os neerlandeses prenen Malaca en 1641.

Bibliografía

• Jean Sellier. ATLAS DE LOS PUEBLOS DEL ASIA MERIDIONAL Y ORIENTAL. Acento Editorial.