MacBook Pro

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
MacBook Pro.

O MacBook Pro ye una linia d'ordinadors portatils desembolicaus y fabricaus por Apple Inc.. Ye o modelo de gama alta d'a familia MacBook, ubicau sobre o MacBook Air, y se vende con pantallas de 13 y 16 pulgadas. As versions de 17 y 15 pulgadas se vendioron d'abril de 2006 a chunio de 2012 y de chinero de 2006 a noviembre de 2019, respectivament.

O MacBook Pro de primera cheneración fazió servir o disenyo d'o PowerBook G4, pero reemplazó os chips PowerPC G4 con procesadors Intel Core, adhibió una camera web y introdució lo connector d'alimentación MagSafe. Lo modelo de 15 pulgadas s'introdució en chinero de 2006; o modelo de 17 pulgadas en abril. As revisions posteriors adhibioron procesadors Intel Core 2 Duo y pantallas con retroiluminación LED.[1]

Lo modelo de segunda cheneración debutó en octubre de 2008 en variants de 13 y 15 pulgadas, con una variant de 17 pulgadas adhibida en chinero de 2009. Clamau o modelo "unibody" perque a suya caixa estió maquinada a partir d'una solenca pieza d'aluminio, teneba una versión mas delgada. pantalla empotrada, un trackpad redisenyau que a suya superficie completa consistiba en un unico botón en o que se podeba fer clic y un teclau redisenyau. As actualizacions trayioron os procesadors Intel Core i5 y i7 y introducioron o Thunderbolt d'Intel.

A tercera cheneración de MacBook Pro se lanzó en 2012: la de 15 pulgadas en chunio de 2012, un modelo de 13 pulgadas en octubre. Ye mas delgau que lo suyo predecesor, fació stándard l'almagazenamiento d'estau soliu (SSD), adhibió HDMI y incluyó una pantalla Retina d'alta resolución. Eliminó os puertos Ethernet y FireWire y l'unidat optica.

O MacBook Pro de quatrena cheneración, lanzada en octubre de 2016, adoptó USB-C pa toz os puertos de datos y alimentación. En toz menos en o modelo base, as teclas de función d'o teclau estioron reemplazadas per una tira de pantalla tactil clamada Touch Bar con un sensor Touch ID integrau en o botón d'encendiu.

En noviembre de 2019 se publicó una revisión d' a quatrena cheneración de MacBook Pro. Presentó o Magic Keyboard, que fa servir un mecanismo d'interruptor de tixera. Lo modelo inicial de 16 pulgadas con una pantalla en bisels mas estreitos estió seguiu per un modelo de 13 pulgadas en mayo de 2020.

Unatra revisión d'a quatrena cheneración se lanzó en noviembre de 2020 y ye lo primer MacBook Pro que presenta un sistema disenyau per Apple en un chip, l'Apple M1.

Referencias[editar | modificar o codigo]

  1. (en) Apple Introduces MacBook Pro en Apple.com