Lockheed F-117 Nighthawk

De Biquipedia
Ir a la navegación Ir a la búsqueda
Lockheed F-117 Nighthawk
F-117 Nighthawk Front.jpg
Lockheed F-117 Nighthawk
Datos chenerals
Tipo cazabombardero
Fabricant Lockheed Corporation
Primer vuelo 18 de chunio de 1981
Periodo 1983-2008
Grandaria
Largaria 20.09  m
Envergadura 13.21  m
Superficie alas 72  m²
Peso 23.81 t
Especificacions
Autonomía 1,720  km
Motor Dos General Electric F404-F1D2
Velocidat maxima 1,100 km/h
Uso
Estato Retirau
Operador Flag of the United States.svg USAF
Producción
Unidatz construyitas 64
Coste unitario $168 millons (2019)
Esquema
F117 Schematics.jpg

Lockheed F-117 Nighthawk ye un cazabombardero desembolicau por Lockheed Corporation.[1] O suyo primer vuelo estió en 18 de chunio de 1981. Tien dos motors General Electric F404-F1D2 , una velocidat maxima de Mach 0.92 , un alcanz de 1,720 km y capacidat de carriar bombas guiadas por laser u una bomba nucleyar de 340 kilotons. S'han construyíu 64 unidatz.

O Lockheed F-117 Nighthawk estió desembolicau por a división secreta "Skunk Works" de Lockheed y operau por a Fuerza Aeria d'os Estaus Unius (USAF). Estió o primer avión operativo disenyau arredol d'a tecnolochía furtiva. O F-117 se basó en o demostrador de tecnolochía Have Blue. O vuelo inaugural d'o Nighthawk tenió puesto en 1981 en Groom Lake, Nevada, y l'aeronau aconsiguió l'estau de capacidat operativa inicial en 1983. L'aeronau se mantenió en secreto dica que se reveló a lo publico en 1988.

O F-117 s'ha utilizau quantas vegadas en a guerra. A suya primera misión estió entre a invasión estausunidense de Panamá en 1989. Entre a Guerra d'o Golfo en 1991, o F-117 voló aproximadament 1.300 salidas y anotó impactos directos en 1.600 obchectivos d'alta valor en Irak entre 6.905 horas de vuelo. Se dició que os F-117 aconsiguioron o 80 % d'os suyos obchectivos pero posteriorment s'ha reduciu a "41-60 %". Un F-117 se perdió por acción de l'enemigo entre una misión d'a Operación Forza Aliada contra l'Exercito de Yugoslavia o 27 de marzo de 1999. Un segundo F-117 estió atacau y danyau entre a campanya, suposadament o 30 d'abril de 1999. L'avión tornó a la base de Spangdahlem, pero suposadament nunca tornó a volar. O F-117 s'utilizó mas tardi en a Operación Libertat Duradera en 2001 y a Operación Libertat Iraquí en 2003.

Estió retirau en 2008 pa estar substituiu por o F-22 Raptor y lo F-35 Lightning II.

Referencias[editar | modificar o codigo]

  1. (en) Nijboer, Donald (2016). Fighting Cockpits: In the Pilot's Seat of Great Military Aircraft from World War I to Today, p. 210. Zenith Press. ISBN 978-0-7603-4956-4