Lockheed A-12

De Biquipedia
Ir a la navegación Ir a la búsqueda
Lockheed A-12
A12-flying.jpg
Lockheed A-12
Datos chenerals
Tipo avión de reconoixencia
Fabricant Flag of the United States.svg Lockheed Corporation
Primer vuelo 26 d'abril de 1962
Grandaria
Largaria 30.96 m
Altaria 5.64 m
Envergadura 16.94 m
Superficie alas 166.8 m²
Peso 53 t
Especificacions
Autonomía 4,600 km
Motor 2 × Pratt & Whitney JT11D-20B
Velocidat maxima 4136,58 km/h
Altaria maxima 26,000 m
Uso
Estato Retirau
Operador Flag of the United States.svg CIA
Producción
Unidatz construyitas 15
Variants Lockheed YF-12
Derivatos Lockheed SR-71 Blackbird

Lockheed A-12 yera un avión de reconoixencia de velocidat Mach 3 y vuelo de gran altitut construiu pa l'Achencia Central d'Intelichencia d'os Estaus Unius por Skunk Works de Lockheed, basau en os disenyos de Clarence "Kelly" Johnson.[1] L'avión estió designau A-12, o dotzeno d'una serie d'esfuerzos de disenyo interno pa "Arcanchel", o nombre en clau interno de l'avión. En 1959, estió seleccionau entre os disenyos FISH y Kingfish de Convair como o ganador d'o Prochecto GUSTO, y estió desembolicau y operau baixo o Prochecto Oxcart. Os representants d'a CIA inicialment afavorioron o disenyo de Convair por a suya sección transversal de radar mas chicota, pero as especificacions de l'A-12 yeran liucherament millors y o suyo coste prochectau yera muito menor. Os respectivos antecedents d'as interpresas resultoron decisivos. O treballo de Convair en o B-58 i heba estau plagau de retardos y sobrecostos, mientres que Lockheed heba produciu l'U-2 a tiempo y por baixo d'o presupuesto. O Lockheed A-12 se produció de 1962 a 1964 y voló de 1963 a 1968.

Estió o precursor d'o interceptor prototipo YF-12 d'a Fuerza Aeria d'os Estaus Unius y d'o Lockheed SR-71 Blackbird, una variant un poquet mas larga capaz de transportar un combustible mas pesau y una carga de cameras. L'A-12 prencipió a volar misions en 1967 y a suya misión final estió en mayo de 1968 ; o programa y l'aeronau se retiroron en chunio. O programa se reveló oficialment a meyaus d'o decenio de 1990. Un oficial d'a CIA escribió mas tardi: "Oxcart estió seleccionau d'una lista aleatoria de nombres en clau pa designar iste proyeuto y tot o treballo posterior en l'A-12". L'avión en ell plegó a clamar-se tamién "Cygnus", nombre sucheriu por o piloto Jack Weeks pa seguir a practica de Lockheed de nombrar a os avions como cuerpos celestes.

Referencias[editar | modificar o codigo]

  1. (en) Crickmore, Paul (1993). Of 'Cygnus' & 'Tagboard': The Era of the Lockheed A-12. Air Enthusiast. No. 52. pp. 44–50. ISSN 0143-5450.