Ir al contenido

Libro de Mormón

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Libro de Mormón
Información cheneral
Chenero literario Relichioso
Versión orichinal en anglés
Títol orichinal The Book of Mormon
País Estaus Unius
Estato Nueva York
Calendata de
publicación
Marzo de 1830

O Libro de Mormón ye uno d'os cuatro libros sagratos acceptatos por a Ilesia de Chesucristo d'os Santos d'os Zaguers Días, a Comunidat de Cristo y atras brancas d'o mormonismo. O libro mesmo dice que ye una traducción d'os escritos d'hombres santos de l'antiga America escrito en una forma pareixita a la Biblia.

Prene o suyo nombre d'un d'os zaguers d'os profetas que, d'alcuerdo a o libro, bi escribioron, Mormón, qui arredol de l'anyo 390 habría resumiu en un compendio bels escritos que consiguioron abracar 2500 anyos d'historia.

Historia[editar | modificar o codigo]

Seguntes a tradición d'o movimiento d'os Santos d'os Zaguers Días, O Libro de Mormón contiene os rechistros de dos grans civilizacions que pobloron o continent americano, una procedent de Cherusalem por l'anyo 600 aC y l'atra plegando muitos sieglos antes cuan o episodio biblico d'a Torre de Babel. Istes rechistros habrían estau mantenius por profetas que vivioron entre ixos puestos, dica que Mormón, un d'ixos profetas, habría feito una compilación d'os anals en un solo volumen, entallau en planchas de metal.

En a narrativa de Joseph Smith, fundador de dito movimiento, Moroni, un personache ya alavez anchelical, lo visitó o 21 de setiembre de 1823, instruindo-lo sobre l'antigo escrito y d'os trangos ta traducir-lo. Smith contó que, cuatro anyos mas tarde, las planchas le fuoron entregadas a la fin, traducindo-las decamín, asegurando tener auxilio divín ta ixa labor. A traducción d'o texto se realizó por medio de l'uso d'un instrumento clamau Urim y Tumim que permitiba a Smith interpretar os caracters d'o echipciu reformau a l'anglés usau en a epoca.

En dita labor cooperoron Martin Harris y posteriorment Oliver Cowdery, toz dos firmants como testimonios orichinals d'as ditas Planchas d'Oro entregadas a Smith por o ánchel Moroni.

Joseph Smith publicó a suya obra por primera vegada en 1830, con o titol The Book of Mormon, en referencia a o personache d'o libro responsable d'a suya compilación. Como resultau d'o treballo misionero d'os miembros d'a Ilesia de Chesucristo d'os Santos d'os Zaguers Días, y atras denominacions, o libro s'ha publicau en 78 idiomas, con porcions traducidas en atras 32 luengas, imprentando pero de 120 millons de copias, cubrindo l'idioma nativo d'o 99% d'os suyos miembros y o 87% d'a población mundial total. En 1998 a ilesia mormona deixó de traducir-se seccions resumidas d'o Libro de Mormón, anunciando que a traducción d'o libro a cada nuevo idioma será una edición completa.