Lepidoptera

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.
Lepidoptera
Clasificación cientifica
Animalia
Arthropoda
Insecta
Lepidoptera

Os lepidopteros[1] (Lepidoptera, d'o griego «lepis», escama, y «pteron», ala) son un orden de insectos holometabolos, cuasi siempre voladors, conoixius comunament como as mariposas; as mas conoixitas son as mariposas diurnas, pero a mayoría d'as especies son nocturnas (polillas, esfinges, pavones, etc.) y pasan muit inadvertidas. As suyas larvas se conoixen como tenyas y s'alimentan tipicament de materia vechetal, podendo estar cualques especies como plagas importants para l'agricultura. Muitas especies cumplen o paper de polinizadores de plantas y cultivos.

Iste taxón representa o segundo orden con mas especies entre os insectos (estando superau solament por l'orden Coleoptera); de feito, conta con mas de 165.000 especies[2] clasificatas en 127 familias y 46 superfamilias.[3] A mariposa diurna mas gran que existe ye a Ornithoptera alexandrae fembra, que puet plegar a tener 31 cm de envergadura (o macho ye un poquet mas chicot), vive a lo sud-este de Nueva Guinea.

Caracteristicas[editar | modificar o codigo]

As mariposas poseyen dos pars d'alas membranosas cubiertas de escamas coloreadas, que utilizan en a termorregulación, o cortecho y a sinyalización. O suyo aparato bucal ye de tipo proboscide (se veiga Insecto) proveyiu d'una larga trompa que s'enrolla en espiral (espiritrompa) que remaneix enrollada en estau de reposo y que les sirve para libar o néctar d'as flors que polinizan.

O cortecho d'os machos ye muit variable en as diferents familias de l'orden, pero basicament consiste en exhibicions y en a producción de feromonas sexuals. Con las maniobras de vuelo os machos cubren a las fembras con a olor d'istas feromonas. Dimpués d'o apareamiento os machos pueden privar que a fembra tienga una nueva copula taponando a suya chenitalia con una secreción apegallosa.

O suyo desembolique ye holometabolo: d'o uego sale una larva u tenya que se transformará en pupa y ista dara puesto a l'adulto. A larva, a diferencia de l'adulto, presenta un aparato bucal de tipo masticador; a mayoría d'as larvas son fitofagas. En menos d'o 1% as larvas son carnivoras u encara caníbals. Podemos distinguir as larvas de lepidopteros d'as d'atros insectos porque poseyen una serie de 5 patas falsas —as d'os himenopteros sinfitos poseyen 7 u mas— a la fin de l'abdomen, o que en cualques casos conlleva que a suya forma de caminar sía como que la d'un cordión ubrindo-se y zarrando-se alternativament.[4] Os lepidopteros son insectos terrestres y solament ocasionalment cualques larvas son acuaticas.

Coloración[editar | modificar o codigo]

En l'orden Lepidoptera la coloración, especialment a d'as alas, aconsigue a maxima especialización. Morfolochicament, a superficie alar ye recubierta d'escamas que la suya superficie poseye multitut d'ariestas lonchitudinals (deseparadas a vegatas a menos d'1 μm, ye decir, a milesima parte d'un milímetro) que alteran a reflexión d'a luz producindo colors muit chocants y frecuentment tornasolaus y iridiscents.

Referencias[editar | modificar o codigo]

  1. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  2. (es)«¿Cuántos insectos existen en la península Ibérica?». Consultado el 21 de octubre de 2016."¿Cuántos insectos existen en la península Ibérica?". http://entomologia.rediris.es/introento/08cuantos_insectos_existen_en_la_p.htm. Retrieved 21 de octubre de 2016. 
  3. (es)de Viedma, M. G., Baragaño, J. R. & Notario, A. 1985. Introducción a la entomología. Ed. Alhambra. ISBN 84-205-1031-9
  4. Aguado Martín, L. O. (2007), p. 52