La tauromaquia (Goya)

De Biquipedia
Ir a la navegación Ir a la búsqueda
Temeridat de Martincho en la plaza de Zaragoza.
Autorretrato, 1790-1795, an Goya se pinta con trache de torero

La Tauromaquia ye una serie de 33 gravatos sobre scenas taurinas d'o pintor aragonés Francisco Goya. Los gravatos fueron feitos en 1815 y 1816 quan Goya teneba 60 anyos, en un intermeyo entre las series Esferras d'a guerra y Concietos. La edición, de 320 copias, se sacó en 1816 y se vendeba en serie completa u en gravatos sueltos[1] Bi ha otras 11 estampas de tema taurino, clamadas ineditas por no incluyir-se en la dita primer edición por chiquetz defeutos, encara que son igualment conoixitas.

A intención inicial de Goya fue, segunt diversos autors,[2] d'ilustrar bells pasaches d'a Carta histórica sobre el origen y progreso de las corridas de toros en España (1777), que Nicolás Fernández de Moratín dedicó a Ramón Pignatelli, que Goya completó con feitos y recuerdos personals taurinos no recentatos en la obra de Moratín.

De siempre, Goya se yera interesato por o tema d'a tauromaquia: en un autorretrato (1790-1795) se pinta a él mesmo con trache de torero; en 1793, fizo una serie de pinturas sobre fuella de lata en as que reflecta la vida d'os toros dende a naixencia dica que salen ta o coso, u la serie Los toros de Bordeus (Los toros de Burdeos, 1825).[3][4]

Las obras[editar | editar código]

Goya utiliza prencipalment las técnicas de l'aguafuerte y aguatinta en ista serie. L'artista se centra en as scenas de violencia que esdevienen en a plaza de toros y en os atrevimientos d'os torers.[5]

Gravatos d'a serie[editar | editar código]

Vinclos externos[editar | editar código]

Referencias[editar | editar código]

  1. Wilson-Bareau, 61, 64, and 67
  2. La conexión d'os gravatos de Goya con a Carta de Moratín fue manifestata por Valerian von Loga, y dimpués por Juan de la Encina, Ventura Bagüés, Sinués Urbiola y Cossío.
  3. Goya, Rose-Marie & Rainer Hagen, p.10, Taschen
  4. Francisco Goya, Evan S. Connell, p.20
  5. Goya, Rose-Marie & Rainer Hagen, p. 87-88, Taschen