Jude Law

David Jude Heyworth Law, naixito de Londres (Reino Uniu) lo 29 d'aviento de 1972, ye un actor que Ha recibiu multiples premios, incluiu un premio BAFTA, asinas como nominacions a dos premios Oscar y dos premios Tony. En 2007, recibió un César d'honor y estió nombrau caballero d'a Orden d'as Artes y as Letras por o gubierno francés.

Law naixió y creixió en Londres y prencipió a actuar en teyatro. Dimpués de trobar chicotz papers en largometraches, Law ganó reconoixencia por o suyo paper en The Talented Mr. Ripley (1999) d'Anthony Minghella, por a quala ganó o premio BAFTA a lo Millor Actor en un Paper de Reparto y estió nominado a un Oscar. Trobó mas exito critico y comercial en Enemy at the Gates (2001), A.I. de Steven Spielberg(2001) y Road to Perdition de Sam Mendes (2002). Continó recibindo elochios por protagonizar a cinta de guerra Cold Mountain (2003), o drama Closer (2004) y a comedia romantica The Holiday (2006), obtenendo nominacions a l'Oscar y a o BAFTA por a primera d'ellas.

Law interpretó a lo Dr. Watson en Sherlock Holmes (2009) y Sherlock Holmes: A Game of Shadows (2011), un Albus Dumbledore mas choven en Fantastic Beasts: The Crimes of Grindelwald (2018) y Yon- Rogg en Captain Marvel (2019); totz os quals se troban entre os suyos lanzamientos mas taquilleros. Os suyos atros papers notables estioron en Contagion (2011), Hugo (2011), Side Effects (2013), The Grand Budapest Hotel (2014) y Spy (2015); y as series de televisión The Young Pope (2016) y The New Pope (2020). Law tamién ha teniu una exitosa carrera en l'escenario, actuando en quantas produccions de West End y Broadway como que Les Parents terribles en 1995, Hamlet en 2010 y Anna Christie en 2011.