Jason Bateman

Jason Bateman
L'actor estausunidense Jason Bateman, en una imachen de 2023.
Información personal
Calendata naiximiento:	14 de chinero de 1969
Puesto naiximiento:	Rye (Nueva York)
Ocupación:	Actor Director cinematografico Productor cinematorafico
Pai	Kent Bateman
Mai	Victoria Elizabeth
Conchuche:	Amanda Anka ​(2001-)
Fillos:	2
Globos d'Oro
Premio Globo d'Oro a lo Millor Actor en Serie de Televisión de Musical u Comedia: -2005: por Arrested Development -2014: Nominau por Arrested Development. Premio Globo d'Oro a lo Millor Actor en Serie de Televisión Dramatica: -2018: Nominau por Ozark -2019: Nominau por Ozark -2021: Nominau por Ozark

Jason Bateman, naixiu de Rye (Nueva York, Estaus Unius) o 14 de chinero de 1969, ye un actor, director y productor cinematografico estausunidense, activo en o cine estausunidense dende primerías d'os anyos 1980 y con cuantos premios recibius mientres a suya carrera cinematografica. Ye fillo d'o director y productor Kent Bateman, chirmano d'a directora y guionista Justine Bateman y yerno d'o cantaire Paul Anka, en estar casau con su filla Amanda.

D'entre la suya filmografía como actor, pueden mencionarse bellas cintas, como The Sweetest Thing (2002, Roger Kumble), The Promotion (2008, Steven Conrad), Up in the Air (2009, Jason Reitman), Hit and Run (2012, David Palmer y Dax Shepard), This Is Where I Leave You (2014, Shawn Levy), Thunder Force (2021, Ben Falcone), u Carry-On (2024, Jaume Collet-Serra).

Premios

En 2005, mientres a 62^ena edición d'os Premios Globos d'Oro, recibió un Premio Globo d'Oro a lo Millor Actor en Serie de Televisión de Musical u Comedia por a suya interpretación en a serie de televisión Arrested Development. Por ista mesma serie estió tamién nominau a ista mesma categoría d'os Premios Globos d'Oro en 2014, mientres a suya 71^ena edición.

Por o suyo papel en a serie de televisión Ozark recibió una primera nominación a lo Premio Globo d'Oro a lo Millor Actor en Serie de Televisión Dramatica en 2018 mientres a 75^ena edición d'os Premios Globos d'Oro, una segunda noinación en 2019 mientres a suya 76^ena edición, y una tercera nominación en 2021 mientres a 78^ena edición d'os Globos d'Oro.

Se veiga tamién

• Cintas interpretadas por Jason Bateman.

Vinclos externos

• Se veigan as imáchens de Commons sobre Jason Bateman.
• (en) Jason Bateman en Internet Movie Database.

• Datos: Q284636
• Multimedia: Jason Bateman / Q284636