Jacques-Yves Cousteau

Jacques-Yves Cousteau
L'oceanografo Jacques-Yves Cousteau, en una imachen de 1972
Información personal
Calendata de naixencia	11 de chunio de 1910
Puesto de naixencia	Sent Andrès de Cuzat (Gironda, Occitania)
Calendata de muerte	25 de chunio de 1997
Puesto de muerte	París (Isla de Francia, Francia)
Ocupación	Oceanografo, explorador, escritor, productor y director.
Conchuche	Simone Melchior ​(1937-m.1990)​ Francine Triplet ​(1991-1997)
Fillos	Jean-Michel Cousteau Philippe Cousteau
Sinyal

Jacques-Yves Cousteau, naixiu de Sent Andrès de Cuzat (Gironda, Occitania) l'11 de chunio de 1910 y muerto en París (Isla de Francia, Francia) o 25 de chunio de 1997, estió un oceanografo, explorador, escritor, productor y director de documentals francés, muit conoixiu por os suyos treballos de divulgación d'a vida en as mars y oceanos d'arredol d'o planeta estando un d'os primers activistas contra la contaminación d'o meyo marino. Prencipió as suyas actividaz de submarinismo mientres a Segunda Guerra Mundial y en rematar a guerra s'adedicó a la investigación d'a vida submarina y a la producción de documentals de muito exito sobre ixas tematicas. Pa las suyas investigacions equipó un antigo dragaminas, a lo cual nombro como Calypso, con un laboratorio equipau con as mas innovadoras tecnolochías d'a epoca y mientres las decadas de 1960 y 1970 este barco se convirtió en un icono d'a investigación oceanográfica, a traviés d'os numerosos documentals filmados entre los suyos viaches.

Cousteau inventó, chunto a Émile Gagnan, o sistema de buceo autónomo conoisiu como Aqua-lung, que consiste en botellas d'aire comprimiu y un regulador de gases. Iste sistema popularizó o buceo como esporte y facilitó la exploración d'o fondo marino tanto d'a fauna y flora marina, como lo suya relieve u mesmo pa escubrimientos arqueolochicos.

Por os suyos treballos documentals y rechiras recibió cuantos premios, entre os que cal d estacar tres Premios Oscar, dos a o millor documental largo con Le Monde du silence de 1957 y World Without Sun de 1965, y un a lo millor cortometrache curto con The Golden Fish en 1960.

Filmografía seleccionada

Anyo	Títol d'a cinta	Papel	Director	Reparto	Atros
1956	The Silent World	Director	Jacques-Yves Cousteau		Documental
1959	The Golden Fish	Productor	Edmond Séchan		Curtometrache
1964	World Without Sun	Director	Jacques-Yves Cousteau		Curtometrache
1964	L’Odyssée sous-marine de l'équipe Cousteau	Director	Jacques-Yves Cousteau		Serie documental (36 capítols)

Bibliografía

Obra escrita

• The Silent World (1953, con Frédéric Dumas).
• Captain Cousteaus Underwater Treasury (1959, con James Dugan).
• The Living Sea (1963, con James Dugan).
• World Without Sun (1965).
• The Undersea Discoveries of Jacques-Yves Cousteau (1970–1975, 8 volumens con Philippe Diolé).
• The Ocean World of Jacques Cousteau (1973–78, 21 volumens).
• A Bill of Rights for Future Generations (1979).
• Life at the Bottom of the World (1980).
• The Cousteau United States Almanac of the Environment (1981, a.k.a. The Cousteau Almanac of the Environment: An Inventory of Life on a Water Planet).
• Jacques Cousteau's Calypso (1983, con Alexis Sivirine).
• Marine Life of the Caribbean (1984, con James Cribb and Thomas H. Suchanek).
• Jacques Cousteau's Amazon Journey (1984, con Mose Richards).
• Jacques Cousteau: The Ocean World (1985).
• The Whale (1987, con Philippe Diolé).
• Jacques Cousteau: Whales (1988, con Yves Paccalet).
• The Human, The Orchid and The Octopus ( coautor con Susan Schiefelbein; Bloomsbury 2007).

Vinclos externos

• Se veigan as imáchens de Commons sobre Jacques-Yves Cousteau.
• (en) Jacques-Yves Cousteau en IMDb
• Pachina web oficial d'a Sociedad Cousteau.

• Datos: Q83233
• Multimedia: Jacques-Yves Cousteau / Q83233