Ezquierda politica
La ezquierda, ezquerra[1] u izquierda[2] politica ye lo conchunto de posicions politicas u actividaz que acceptan u refirman la igualdat social, a sobén en oposición a la hierarquía social y a la desigualdat social.
Los termins politicos ezquierda y dreita fuoron creyaus mientres la Revolución Francesa (1789-1799), referindo-se a la posición de los escanyos en los Estaus Chenerals de Francia: los qui s'asentaban en la ezquierda yeran por un regular oposaus a la monarquía y refirmaban la revolución, incluyindo secularización y creyación d'una republica, mientres que los qui s'asentaban a la dreita refirmaban las institucions tradicionals de l'Antigo Rechimen. L'uso de lo termin "ezquierda" se fació mes prominent dimpués de la restauración de la monarquía francesa en 1815 cuan fue aplicau a los "Independients".
Lo termin fue dimpués aplicau a ciertos movimientos, especialment lo republicanismo mientres la Revolución Francesa, lo socialismo, lo comunismo y l'anarquismo. A primers de lo sieglo XX la expresión "ala ezquierda" ha estau usada pa describir una familia ampla de movimientos, incluyindo lo movimiento por los dreitos civils, los movimientos antibelicistas y los movimientos medio-ambientalistas. A la fin s'ha estendillau dica partius como lo Partiu Democrata en Estaus Unius y lo Partiu Laborista en lo Reino Uniu.
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Blas Gabarda, F.: Romanos Hernando, F. Diccionario aragonés. chistabín-castellano. Ainas. Gara d'edizions, 2008, p 337.
Datos: Q164597
Multimedia: Left-wing politics / Q164597