Ixeta
Una ixeta[1] u xeta[1] (d'o latín exacta) ye una valvula que s'acciona manualment y que adaptada a l'orificio d'un recipient u a l'extremo d'una conducción, regula a salida d'un fluyiu.
I hai cuantos tipos de mecanismos que fan a función d'una ixeta, en cheneral consisten en un cuerpo fixo que disposa d'una pieza interior accionada dende l'exterior, la cual por o suyo movimiento ya siga de rotación u de translación, permite u impide o paso de l'augua u d'unatro fluyiu. A ixeta tamién tiene un tubo que diriche enta difuera o churro que sale.
Un eixemplo d'ixeta pa l'augua d'o fogar con a valvula de posiento correspondient, consta d'hastillón con rosca y a la fin una rollana gran y gruesa de caucho, cuero u de goma que como amuestra la imachen, en chirar o mando, cierra o conducto d'arribada y d'ista manera interrumpe o paso de l'augua.
Tamién se fabrican ixetas con atros tipos de valvula. En puestos representativos (chardins, cocheras) s'utilizan ixetas con valvula de bola. En as ixetas d'os escusaus, s'utilizan con valvula de discos ceramicos.
Tipos d'ixetas
[editar | modificar o codigo]- Individuals
- Iste tipo d'ixetas s'utiliza muito poco en l'actualidat, y yeran as unicas que existiban antes d'os monobloque u monomando. Se tracta d'ixetas "d'una sola augua", ye decir, si queremos tener augua freda y calient s'han d'instalar dos ixetas diferents con as respectivas tuberías, permitindo lo paso de l'augua nomás freda u nomás calient y, si se quiere mesclada, ha de fer-se en a cubeta d'o lavabo.
- En batería
- S'utilizan dos claus de paso deseparadas y, por meyo de canyerías, cheneralment ocultas, as salidas s'unen en una sola tubería, a on se mesclan calda y freda. Iste tipo d'ixetas se fican en banyeras y duchas.
- Monomando
- Istas ixetas son d'un solo mando, lo que da paso tanto a l'augua calient como l'augua freda. O sistema d'obertura ye de palanca, que se devanta ta alto par ubrir l'augua. Se triga l'augua movendo a palanca enta la ezquierda u enta la dreita, si queremos augua templada la deixaremos en o centro. Iste tipo d'ixeta ye lo que mas s'instala en l'actualidat en lavabos, bidets, fregaderas, banyeras y duchas.
- Termostaticas
- Iste tipo d'ixeta ye lo mas comodo, ya que nos permite regular o cabal de l'augua seguntes convienga, unatro mando auxiliar permite seleccionar a temperatura, u ubrir nomás l'augua freda u l'augua calient. Asinas s'escusa augua y tiempo, ya que se gosa tardar pa aconseguir que a temperatura siga a l'agrau de l'usuario. S'instalan en banyeras y duchas.
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
