Isla de Pasqua

De Biquipedia
Isla de Pasqua
Isla de Pascua
Rapa Nui
Provincia de Chile
Flag of Rapa Nui, Chile.svg Escudo de  Isla de Pasqua
Bandera Escudo
Entidat Provincia
Capital
 • Población
Hanga Roa[1]
7750 (2017)
Ciudat mas poblada Hanga Roa
Idioma oficial Castellán y rapanui
Establimiento
 • Dende

De Chile
1888
Superficie
 • Total

164 km²
Gubierno
 • Chefe d'Estato
 • Gubernador
 • Alcalde
Provincia de Chile
Sebastián Piñera
René de la Puente Hey
Pedro Edmunds Paoa
Población
 • Total (2017)
 • Densidat

7 750 hab.
47,37 hab/km²
Identificadors
 • Internet

.cl
C. Telefono +56
Moneda Peso chileno
Easter Island map-es.svg
Miembro de: Chile

A Isla de Pasqua (en castellán Isla de Pascua, en rapanui Rapa Nui) ye una isla d'a Polinesia, en Oceanía amás d'una comuna y provincia chilena, situada 3.515 km a lo ueste d'a costa continental d'ixe país.[2]

A isla ye mas famosa per as quasi 1000 estactuas monumentals existents, clamadas moai, que estioron creyadas per os primers rapanui. En 1995, a UNESCO nombró a la Isla de Pasqua Patrimonio d'a Humanidat, con gran parti d'a isla protechida adintro d'o Parque Nacional Rapa Nui.

Os expertos no son d'alcuerdo sobre quán arriboron per primera vegada a la isla os habitants polinesios d'a isla. Si bien muitos en a comunidat d'investigación citoron evidencia que arriboron arredol de l'anyo 800, os datos convincents presentaus en un estudeo de 2007 suchieren que a suya plegada estió mas amanada a l'anyo 1200.[3] Os habitants creyoron una cultura prospera y laboriosa, como lo contrimuestran os numbrosos y grandizos moai de pietra d'a isla y atros artefactos. Manimenos, o desmonte de tierras pa lo cautivo y la introducción d'a rata polinesia levoron a una deforestación gradual.[4] En l'inte d'a plegada d'os europeus en 1722, s'estimaba que a población d'a isla yera de 2.000 a 3.000. As malotías europeas, as expedicions de pilla d'esclaus peruans en o decenio de 1860 y la emigración enta atras islas como Tahití mermoron encara mas a población, reducindo-la a un minimo de 111 habitants nativos en 1877.[5]

Os clamaus moai son estactuas monumentals.

Chile s'anexó a Isla de Pasqua en 1888. En 1966, os Rapa Nui obtenioron a ciudadanía chilena. En 2007, a isla obtenió o status constitucional de territorio especial. Administrativament perteneix a la Rechión de Valparaíso, constituyindo una solenca comuna d'a Provincia Isla de Pasqua. Lo censo chileno de 2017 rechistró 7.750 personas en a isla, d'as qualas 3.512 (45 %) se consideraban rapanui.

A Isla de Pasqua ye una d'as islas habitadas mas remotas d'o mundo. A tierra habitada mas amanada (arredol de 50 residents en 2013) ye la isla de Pitcairn, a 2075 kilometros de distancia; a ciudat mas amanada con una población de mas de 500 habitants ye Rikitea, en a isla de Mangareva, a 2606 km de distancia.; o puesto continental mas amanau se troba en o centro de Chile, a 3.512 km de distancia.

Referencias[editar | modificar o codigo]

  1. (en) Travel, DK. DK Eyewitness Travel Guide Chile and Easter Island. Dorling Kindersley Limited, 2018, p. 19. ISBN 978-0-241-34803-1.
  2. (es) Lanzoni, L.; Sardo, D. Desarrollo territorial integrado. Hacia una Rapa Nui integrada y sustentable. Reflexiones y propuestas sobre el caso de Rapa Nui, Chile. Lulu.com, p. 16. ISBN 978-1-4467-7788-6.
  3. (en) The Mystery of Easter Island en Smithsonian Magazine.
  4. (en) Hunt, T. (2006). "Rethinking the Fall of Easter Island". American Scientist. 94 (5): 412.
  5. (en) Peiser, B. (2005). "From Genocide to Ecocide: The Rape of Rapa Nui" (PDF). Energy & Environment. 16 (3&4): 513–39.

Vinclos externos[editar | modificar o codigo]