Incident de Mainila

De Biquipedia
Ir ta: navego, busca
Incident de Mainila
Guerra d'Hibierno
Mainila.png
Situación de Mainila en l'istmo de Carelia (d'alcuerdo con as mugas existents quan s'escaicioron os feitos, antis d'o cambeo de mugas en rematar a Guerra d'Hibierno).
Información cheneral
Calendata: 26 de noviembre de 1939
Puesto: Muga entre Finlandia y a URSS
Resultato: Prencipia a Guerra d'Hibierno
En conflicto
Flag of the Soviet Union.svg Unión Sovietica Flag of Finland.svg Finlandia
Guerra d'Hibierno
Incident de MainilaBatalla de TolvajärviBatalla de SuomussalmiBatalla de KeljaBatalla de TaipaleBatalla de SummaBatalla d'a carretera de RaateBatalla de KuhmoBatalla de HonkaniemiBatalla de KollaaBatalla de SallaBatalla de Petsamo

Se conoix con o nombre d' incident de Mainila (Mainilan laukaukset en finlandés) a unos feitos escaicitos o 26 de noviembre de 1939 en a muga entre Finlandia y a Unión Sovietica, quan l'Exercito Royo sovietico afirmó que o lugar de Mainila (en Beloostrov, en l'istmo de Carelia entre o lago Ladoga y o golfo de Finlandia y amán d'a ciudat sovietica de Sant Petersburgo) heba recibito disparos d'artillería procedents de territorio finlandés que heban provocato baixas no nomás entre os melitars sovieticos so que tamién entre a población civil.

Finlandia negó qualsiquier partecipación en istos feitos (Carl Gustaf Emil Mannerheim heba ordenato a l'Exercito finlandés de replegar a suya artillería desplegata en a muga ta evitar ista traza d'incidents), que en realidat fuoron obra d'o mesmo Exercito Royo, pero istas declaracions, como calía asperar, no fuoron acceptatas por os sovieticos. A Unión Sovietica denunció o Pacto de no agresión que heba sinyato con Finlandia (o Pacto de No Agresión Sovietico-Finés de 1932) y, emplegando istos feitos como casus belli, atacó Finlandia o 30 de noviembre de 1939, prencipiando asinas a dita Guerra d'Hibierno entre istos dos países.