Ilesia Grecocatolica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Ilesia Grecocatolica ye un termin que fa referencia a las ilesias con liturchia y rito griego pero que admeten l'autoridat d'o Papa de Roma. Son ilesias escallatas d'a Ilesia Ortodoxa en diferents intes d'a historia, a sobén son conoixitas como "ilesias uniatas" u "ilesia uniata", termin que s'aplica sobre tot a las ilesias greco-catolicas d'os países eslaus.
Orichen
[editar | modificar o codigo]Entre os ortodoxos d'os países rutens se producen conversions a lo calvinismo y lo catolicismo, lo que fa que en 1596 se reuna una asamblea d'o clero en Brest-Litovsk en a que deciden acceptar l'autoridat d'o Papa de Roma pero conservando o rito bizantín. L'asamblea de 1596 de clero ortodoxo y de fidels proclama a unión con a ilesia catolica. D'os ueito bispes se n'oposan dos, pero no son tenitos en cuenta por o metropolitano de Kiev. Amaneixe una ilesia uniata que reconoixe l'autoridat d'o Papa pero mantién o rito bizantín, dito tamién griego.
En 1620 o patriarca de Costantinoble consagra un metropolitano en Kiev y tamién bispes d'a ilesia ortodoxa orichinal. O rei de Polonia se vei obligato a reconoixer-los en 1632, d'una manera que bi ha dos hierarquías paralelas, a ortodoxa y a "uniata". O nuevo metropolitano Per Mohila encomienza una nueva "contrarreforma" ortodoxa.
En 1649 os rutens de l'Alta Hongría, actual Rutenia Subcarpatica fundan una ilesia uniata.
En Transilvania amaneixerá a Ilesia Uniata d'Alba Iulia en 1698.
O Imperio Ruso s'esforzará por reintegrar as ilesias uniatas d'os ucranians en a ilesia ortodoxa dica baixo amenaza asinas como va ganando territorios a costa d'os polaco-lituanos. En Galitzia os ucranians podrán mantener-sen en a Ilesia Uniata por estar baixo sobiranía austriaca y no rusa. En 1946 Stalin fará con a Ilesia Uniata o mesmo que facioron os zars, de modo que dimpués d'a segunda guerra mundial os gobiernos sovietico, rumano y checoslovaco adscribioron as ilesias uniatas a la ilesia ortodoxa. En as zagueras decadas han estato reconstruitas china chana.
Causos
[editar | modificar o codigo]En a rechion francesa de Corcega existe la localidat de Cargèse, a on bels griegos emigraron cuan os otomanos presionaban a los griegos d'o Peloponeso ; que trayioron con els a suya relichion.
| Control d'autoridaz |
|
|---|
Datos: Q49376
Multimedia: Eastern Catholic Churches / Q49376