Ignacio Urquizu Sancho

Ignacio Urquizu

Alcalde d'Alcanyiz
15 de chunio de 2019 – 17 de chunio de 2023
Lugartenient	Javier Baigorri
Precediu por	Juan Carlos Gracia Suso
Succediu por	Miguel Ángel Estevan ^[1]
Deputau en as Corz Chenerals por Teruel
13 de chinero de 2016 – 21 de mayo de 2019
Senador en as Corz Chenerals por Teruel
9 de setiembre de 2015 – 26 d'octubre de 2015
Deputau en as Corz d'Aragón por Teruel
Actualment en o cargo
Dende o 18 de chunio de 2015

Naiximiento	21 de noviembre de 1978 Alcanyiz (Baixo Aragón, Aragón)
Partiu	PSOE
Profesión	Sociologo, pulitico, escritor y profesor d'universidat

Ignacio Urquizu Sancho (Alcanyiz, 21 de noviembre de 1978) ye un politico aragonés.

Estió educau en a Universidat Complutense de Madrit do se licenció en sociolochía y tamién bi estió profesor.

Licenciau en Ciencias Politicas por a Universidat Complutense de Madrit y doctor por la mesma Universidat, ha estau Visiting Fellow en a Universidat d'Harvard (Boston, Estaus Unius) y investigador visitant en l'Instituto Universitario Europeu (Florencia, Italia) y a Universidat d'Essex (Colchester, Reino Uniu). Ha impartiu docencia en a Universidat d'Essex, a Universidat George Washington (centro de Madrit), a Universidat Ubierta de Catalunya, a Universidat Pablo Olavide, a Universidat Nacional d'Educación a Distancia (UNED) y a Universidat Complutense de Madrid, do ye profesor de Sociolochía en istos momentos. Tamién colabora con a Fundación Alternativas, do estió subdirector d'Estudios de Progreso, con a empresa de sondeos Metroscopia do estió lo coordinador d'o seminario d'analisi politica y en o grupo Next Left d'a Fundación Europea de Estudios Progresistas.

Ha colaborau con meyos como la CNN+, Público y en a Cadena SER. Autualment colabora en El País y en Eldiario.es.

En l'ambito personal estió casau y con dos fillas, pero autualment ye esvurciau.

Libros publicaus

2012: La crisis de la socialdemocracia: ¿Qué crisis?. Madrit, Los Libros de la Catarata.
2016: La crisis de representación en España. Madrit, Los Libros de la Catarata.
2019: ¿Cómo somos?. Barcelona, Ediciones Deusto.