Idioma mapudungun

De Biquipedia
Ir ta: navego, busca
Mapudungun
Atras denominacions: mapudungu, mapuche u araucano
Parlato en: Flag of Chile.svg Chile
Flag of Argentina.svg Archentina
Rechión: {{{rechión}}}
Parladors: 440.000
Posición: {{{rank}}} (Ethnologue 1996)
Filiación chenetica: Luengas aislatas

 Mapudungun

Estatus oficial
Oficial en:
Luenga propia de: {{{propia}}}
Reconoixito en: {{{reconoixito}}}
Regulato por: Sin regular
Codigos
ISO 639-1
ISO 639-2
ISO 639-3 arn
SIL arn

O mapudungun, mapudungu u mapuche ye una luenga aislata fablata por os mapuches, un pueblo amerindio que vive en o Sud d'America d'o Sud (en a parte central de Chile y centro-occidental d'Archentina). Tien arredol de 440.000 fablants con diversos graus de competencia lingüistica. Ha influito lo lexico castellán en a suya área de distribución y, devez, ha incorporato parabras en o lexico castellán y quechua.

Denominacions[editar | editar código]

Os suyos fablants claman a o idioma mapuchedungun, mapudungun u chedungun, mientres que os cronistas colonials lo clamoron araucano y documentoron a denominación chilidungu, que se suposa que significa "luenga de Chile". O termino araucano fue acunyato mientres a conquiesta de Chile ta clamar a la chent y a suya luenga y s'usó habitualment enta o sieglo XX; sindembargo, o refús que prevoca entre os mapuches ha motivato un paulatino abandono d'o suyo uso en os lugars que ells habitan y o crexient uso de luenga mapuche u mapudungun.

Filiación lingüistica[editar | editar código]

A filiación no ye pas clara, anque lingüistas como Englert u Tovar la sitúan en o grupo andino d'as luengas amerindias d'America d'o Sud, emparentatas de luenyes con as luengas quechua y aymara; belaltras clasificacions encara més especificas sitúan o mapudungun a una familia araucano-chon que perteneixerba a lo debandito grupo andino. Poderba, pues, no tractar-se d'una luenga aislata.

Aspectos socioculturals[editar | editar código]

Variación diatopica[editar | editar código]

Una variedat meridional, o huiliche u veliche, ye considerata per Gordon (2005) un idioma deseparato. O huiliche, charrato a Chile en a Región de Los Lagos, conta con bells milars de fabladors, a mayoría d'os quals fabla o castellán como luenga primera.