Guerra Fría

De Biquipedia
(Reendrezau dende Guerra freda)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Mapa d'Europa dica 1989 en royo los países d'o Pacto de Varsovia (URSS) y en azul os d'a OTAN (EEUU).

Se diz Guerra Fría u Guerra Freda a lo enfrentamiento politico, ideyolochico, economico, tecnolochico y militar esdevenito mientres o sieglo XX entre os bloques occidental-capitalista, liderato por Estaus Unius, y oriental-comunista, liderato por a Unión Sovietica, d'o que se deseparo posteriorment China ta ir creyando a suya propia esfera d'influencia.

Istos dos bloques se caracterizan por no enfrentar-sen nunca dreitament, siempre un dreitament contra un aliato de l'atro u dos aliados de cada bloque entre sí. Anque istos enfrentamientos no facioron que principiase una guerra mundial, a entidat y a grabedat d'os conflictos y intreses economicos, politicos y ideyolochicos en chuego marcoron de traza significativa la mayor parti d'a historia d'a segunda metat d'o sieglo XX, ya que as dos superpotencias quereban establir o suyo modelo de gubierno en tot o Planeta y en tot momento. O enfrentamiento prencipia entre 1945 y 1948 (fin d'a Segunda Guerra Mundial y fin d'a postguerra respectivament) dica 1985 (principio d'a Perestroika) y 1991 (Caíta d'a Unión Sovietica).