Guerra civil

Iste articlo ye sobre as guerras civils en cheneral. Ta atros usos se veiga Guerra civil (desambigación)

Efectos d'a guerra civil en Belchit mientres a batalla de Belchit.

Una guerra civil ye un enfrentamiento belico en o que os suyos participants no son en a suya mayoría fuerzas melitars regulars, sino que son formatas u organizatas por presonas cheneralment d'a población civil. A suya caracteristica mas común ye que o conflicto armato se desembolica en un mesmo país, enfrentando-sen entre sí presonas d'o mesmo puesto: ciudat, lugar, comunidat... esfendendo, cheneralment, dos ideyolochías u intreses diferents. En iste conflicto, bi ha a vegatas a intervención d'unidatz foranas de diferents países, incluso aduyando u colaborando con os diferents bandos d'ixa mesma guerra civil, podendo estar istas unidatz formatas por voluntarios civils que simpatizan a ideya de la un u l'atro bando.

Prencipals Guerras civils en Aragón

En a suya historia Aragón ha vivito quantas guerras civils. Destacan as siguients:

• Guerra Civil Catalana (1462-1472): Enfrentamiento armato entre Chuan II d'Aragón y as institucions catalanas ta prener o control politico.
• Guerra de Succesión Espanyola (1701-1715): Enfrentamiento entre os austracistas (partidarios d'os Habsburgo) y os borbonicos.
• Guerras carlistas (1833-1876): Conflictos dinasticos entre dos brancas d'a casa de Borbón por a succesión a la corona. D'un costato, Isabel II y, dimpués, o suyo fillo Alifonso XII; d'atro, Carlos María Isidro de Borbón y Parma, chirmán de Ferrando VII y os suyos descendients.
• Guerra Civil Espanyola (1936-1939): Enfrentamiento entre os partidarios d'a Republica Espanyola cuentra os militars de dreitas sulevatos baixo lo mando d'o cheneral Francisco Franco

Guerras d'a Historia

Edat Contemporania

• Guerra Civil d'os Estaus Unius, Guerra civil americana, Guerra civil estausunidense u Guerra de Secesión dels Estats Units.

Estió un conflicto belico en forma d'una guerra civil que acayeció entre 1861 y 1865 entre 23 estatos d'o norte d'os Estaus Unius y os Estatos Confederatos d'America.

• Guerras Yugoslavas, Guerra d'os Balcans u Guerras Yugoslavas de Secesión (1991-2001).

Estioron dos grups de guerras sucesivas en as que estioron implicatas 6 republicas de Yugoslavia.

• Primera (1996-1997) y Segunda Guerra d'o Congo (1998-2003).

Dimpués d'a caiguda d'o dictador Mobutu Sese Seko por as guerrilas de Laurent Kabila principian enfrentamientos armatos entre os habitans d'a Republica Democratica d'o Congo interviniendo-hi bell atros paises africans y con un resultato de una mortalera de 3,8 milions de presonas.

Actualidat

• Guerra de l'este d'Ucraína, (2014-l'actualidat). Ye un conflicto armato como reacción contraria a l'autoproclamación d'independiencia d'as rechions de Donetsk y Lugansk situatas a l'este d'Ucraína.
• Guerra de Siria u Guerra civil Siriana (2011-l'actualidat). Ye un conflicto belico que enfrenta a o Gubierno de Siria y as suyas fuerza armatas con grupos de rebeldes ta derrocar o gubierno y quitar d'o poder a o suyo president actual Bashar Al-Asad, acusando-li de violento, corrupto y fer mortaleras.

Vinclos externos

• Se veigan as imachens de Commons sobre Guerra civil.